Dili, 06 Novembru 2024 (Media Democracia) – Sekretariu Estadu Formasaun Professional no Empregu (SEFOPE) liuhusi Diresaun Nasional Empregu no Estranjeiru DNEE realiza seremonia despedida hamutuk ho traballador Timor-oan na’in atus-ida-haat 104, iha tempu badak sei ba servisu iha Korea do Sul, atividade refere realiza iha salun Timor-Lodge Comoro Dili
Tuir Diretor Diresaun Nasional Empregu no Estranjeiru, João Correia Pereira hateten, realiza serimonia ba loron ohin nian ne’e hanesan kultura ida antes traballador Timor-oan atu ba servisu iha rai liur iha kustume tenke asina deklarasaun entre governu, familia no traballador
“Ita hotu prontu atu husik ona traballador sira atu ba servisu iha Korea do sul, iha tinan ida ne’e SEFOPE produz traballador hamutuk atus-sia-haat resin ba servisu iha Korea sul, traballador nain 104, feto 11 no mane 93 re-entry na’in 8 no traballador foun hamutuk 96.” Dehan Diretor Diresaun Nasional Empregu no Estranjeiru, João Correia Pereira
Nia hatutan traballador re-entry hatudu dalan ne’ebé di’ak ba traballador foun sira tanba iha komportamentu ne’ebé di’ak, tan ne’e sira fila mai Timor-Leste seidauk too fulan tolu fila hikas ba servisu iha Korea tanba hetan fiar husi empregador.
“Husu ba traballador sira hotu buat ne’ebé importante mak governu Timor-Leste hakarak hatoo ba ita-boot sira ohin asina deklarsaun ida ne’e iha tempu badak sei husik hela Timor-Leste sei ba servisu iha Korea do sul reprezentante ita-nia nasaun laos ba individu. Nune’e husu ba traballador oan sira tenke hatudu atetude ho disiplina tanba ema Korea servisu tuir regras ne’ebé rigurozu.” Haktuir Diretor DNEE, João Correia Pereira
Nia salienta traballador Timor-oan tenke hadudu mentalidade hodi hasoru situasaun ne’ebé foun tanba iha Timor dalaruma barak mak laiha komunikasaun, nune’e ba iha Korea tenke uza maneira ne’ebé di’ak halo komunikasaun hodi aprende nafatin lian Korea
Iha fatin hanesan reperezentante traballador, Heriyanti Tuati hateten, sente orgullu tebes nu’udar joven ida hetan oportunidade ida ne’e hodi ba servisu iha Korea do Sul durante tinan nia nia laran iha areá fabrika
“Ha’u apresia tebes ba oportunidade ida ne’e liu-liu ba Sekretariu Estadu Formasaun Profesional SEFOPE liuhusi Diresaun Nasional Empregu no Estranjeiru nia servisu makaas ohin loron ami hetan orportunidade ida ne’e hodi ba servisu iha rai liur bele hadia ami nia moris no rai doben Timor-Leste.” Dehan Heriyanti Tuati
Mensajen ba joven liu-liu ba feto maluk sira hotu ne’ebé namakare iha Timor laran katak, labele lakon oportunidade furak ida ne’e tenke iha forsa no kbiit espiritu nian hodi aproveita tempu hodi aprende buat hotu nune’e bele muda ita-nia mehi iha futuru.
Nia esplika liután katak iha futuru planu ne’ebé furak tebes bainhira fila husi Korea do Sul mai Timor-Leste sei kria kampu traballu ba joven iha areá agrikultura nian hanesan hakiak animal hodi fó benefisiu ba joven sira ne’ebé laiha servisu, nune’e bele hetan osan ituan hodi sustenta ba presiza no reforsa ekonomia familia nian.
Reportajen : Nelfiano
Foto : Nelfiano