Viqueque, 21 Novembru 2025 (Média Democracia) – Sekretaria Estadu ba Igualdade liuhusi Xefe Departamentu Empoderamentu Ekonómia Feto-SEI, Hamutuk ho Asosiasaun Feto Munisípiu Viqueque (ADVIQ) no Aútoridade Munisípiu Viqueque, asina akordu ho Grupu Benefisiáriu Fundu Transferensia Públiku ho Mekanismu Hadulas Tinan 2025 iha Munisípiu Viqueque. Atividades asina akordu ne’e Média Democracia asesu husi pajina S.E.I Sexta semana ne’e.
Reprezentante Xefe Departamentu Empoderamentu Ekonómia Feto-SEI, Romão Piadade hateten, Sekretaria Estadu ba igualdade nia papel ida mak hakbiit ekonomia feto ho nune’e kada tinan S.E.I prevene orsamentu fundu transferensia publiku ho meknismu hadulas hodi hakbiit ekonomia feto liuliu feto rurál sira.
“Iha tinan 2025 grupu feto benefisiáriu ba fundu hadulas husi Munisípiu Viqueque ne’ebé pasa iha selesaun hamutuk grupu lima, husi Suku 4 Postu-Administrativu rua hanesan, Suku Uagia, Postu-Administrativu Ossu, Suku Watudere Postu-Administrativu Viqueque, suku Maluru, Postu-Administrativu Viqueque no Suku Uma Ki’ik Postu-Administrativu Viqueque.” Dehan reprezentante Xefe Departamentu Empoderamentu Ekonómia Feto-SEI, Romão Piadade
Reprezentante Xefe-Departament hatutan, grupu benefisiáriu ne’ebé pasa iha selesaun to’o ona presesu asina akordu husu atu halo negósiu ho di’ak hodi bele hasa’e rendimentu ekonomia familia.
Entertantu espetativa S.E.I nia oinsa hakbiit ekonomia feto tanba ne’e grupu lima ne’ebé pasa selesaun aproveita halo negósiu ho di’ak, nune’e bele redus dependensia ekonomia ho parseiru sira hasa’e rendementu ekonomia nomos bele apoiu ona nesesidade ekonomia familia nian.
Reprezentante Prezidente Munisípiu Viqueque, Sekretariu Munisípiu Viqueque ba asuntu Sosiais no Organizasaun, Acacio de Sousa husu ba Autoridade Postu-Administrativu ho Xefe-Suku sira atu apoiu grupu feto benesiáriu sira hodi hala’o atividade negósiu no entregra hikas fali fundu ba AFVIQ tuir tempu ne’ebé termina ona iha akordu no labele utiliza fali osan ne’e ba nesesidade seluk.
“Husu ba koordenadora ho membru sira atu servisu hamutuk husu Autoridade Postu no Xefe-Suku sira fó asistensia ba ita nia inan-feton sira, osan ne’e uza duni ba atividade negósiu no tenke iha transparansia iha gupu laran hodi dezenvolve ekonomia familia no investe iha área oioin hodi bele lori benefisiu ba grupu, nune’e bele hasa’e rendimentu familia no investe ba oan sira nia eskola.” Dehan Reprezentante Prezidente Munisípiu Viqueque, Acacio de Sousa
Iha loron asina akordu ho grupu feto benefisiáriu fundu hadulas hala’o mós iha Munisípiu Manufahi, Manatuto, Lautem nomos Munisípiu Liquiça. Totál grupu feto benefisiáriu ba fundu hadulas no grupu vulnerável husi tinan 2019 to’o tinan 2025 iha Munisípiu Viqueque hamutuk hatnulu resin-neen.
Esplika liután atividade asina akordu entre S.E.I, AFVIQ ho Grupu benefisiáriu fundu hadulas hala’o iha salasaun Postu-Administrativu Viqueque villa, akompaña husi Xefe-Suku sira no reprezentante Autroidade Administradór Postu-Administrativu. Aleinde ne’e ekipa S.E.I partila mós informasaun kona-ba papel S.E.I no matadalan fundu hadulas ba grupu benefisiáriu sira.
Reportajen : Nelfiano
Foto : Média S.E.I