Dili, 25 Novembru 2025 (Média Democracia) – Selebrasaun aniversariu Departamentu Komunikasaun Sosial (DCS) UNTL ba dala sanulu resin hitu (17), liuhusi selebrasaun ne’e Dosente, Estudante no Universidade hamutuk servisu makas liután, nune’e lori Departamentu Komunikasan Sosiál (DCS) ba oin ho di’ak liután.
Tuir Diretor Departamentu komunikasaun Sosial (DCS) Roberto da Costa Pacheo hateten, husu Dosente no estudante sira hamutuk lori Departamentu komunikasaun sosial hakat ba oin.
“Iha Okaziaun ida ne’e ita mai selebra hamutuk Aniversariu ba dala sanulu resin hitu, espera katak ita iha Departamentu Komunikasaun Sosial hatudu ita-nia maturidade, ho ita-nia servisu hamutuk ho ita-nia kolaborasaun entre Dosente ho Dosente, no entre Dosente ho Universidade nomos ho estudante sira hotu, nune’e ita bele lao ba oin nafatin hanesan orgaun akademiku nian, mesmu ita joven hela, ita ho idade 17, maibé iha Fakuldade Siensia Sosiais, Departamentu ida ne’ebé iha akreditasaun di’ak husi ANAA ho valor B mak ita-nia Departamentu Komunikasaun Sosial, espera katak iha tinan oin ho ita-nia kolaborasaun di’ak liután.” Dehan Xefe Departamento Komunikasaun Social Roberto da Costa iha Kampuz Kaikoli.
Parte seluk tuir Vise-Dekanu III Fakuldade Siensia Sosiais (FCS) UNTL, Valente Gusmão Laranjeira haktuir katak, selebrasaun aniversariu Depratamenru Komuniksaun Sosial ba dala sanulu resin-hitu, hodi fó espirito ida ke di’ak ba estudante.
“Hodi estrutura Fakuldade Siensia Sosiais hakrak hato’o parabens ba Departamentu Komunikasaun Sosial ba nia lideransa sira hotu, tinan sanulu resin-hitu ne’e laos tinan ne’ebé kiikoan, ida ne’e sai hanesan inspirasaun, tinan ne’e aumenta fó espiritu ida ke di’ak ba ita liu-liu estudante sira, atu ita bele konsiente ita-nia hanoin ita-nia vizaun saida mak ita tenke halo iha future.” Dehan Vise Dekadu III Valente Gusmão iha FCS Caicoli.
Nia esplika tan katak, hamutuk hanoin no refleta saida mak ita halo liu-liu liga ba loron independensia ne’ebé ita tama ona ba 25 anos, entaun ida ne’e hanesan reflesaun ida refleta buat hotu sai hanesan materia ida ba ih futuru.
Reportajen : Tomas
Foto : Tomas