Dili, 27 Novembru 2025 (Média Democracia) – Câmara Comércio Industria Timor-Leste (CCI-TL) hetan Vizita husi Embaixador Vietnam hodi ko’alia kona-ba setor agrikula nian produsaun fos nomos kafé.
Tuir Vise-Presidente para os Assuntos Turismo, Zelindo Engelbert F. S. D. Jordão de Araújo, hateten, sorumutu ohin ne’e inisitiva rasik husi Embaixador Vietnam ho nia ekipa halo vizita mai Timor-Leste hodi Partisipa iha loron Proklamasaun Independensia Unilateral ba dala 50 no halo vizita mós Camara Comércio no Indústria (CCI-TL).
“Objetivu husi Embaixador mai iha Timor-Leste, hodi partisipa iha ambitu komemorasaun Proklamasaun Independensia Unilateral ba dala 50 no halo vizita mós Camara Comércio no Indústria (CCI-TL) hodi haree no esplora atividade negosiu ne’ebé husi parte nasaun, nune’e bele kooperasaun ka servisu hamutuk.” Dehan Vise-Presidente para os Assuntos de Turismo Zelindo Engelbert F. S. D. Jordão De Araújo
Nia hatutan liután katak, Embaixador ho ekipa nomos setor privadu lubuk ida sira iha vontade boot tebes atu mai haree oportunidade boot ne’ebé Timor-Leste aprezenta ba nasaun Vietnam. Liu-liu liga ho indústria, ita partilla karakteristika hanesan setor agrikula nian ko’alia kona-ba produsaun fos nomos kafé, buat rua ne’ebé ita presiza aprende di’ak liután husi nasaun Vietnam, tanba Vietnam hanesan Segundu maior produtu kafé iha mundu, nomos sai hanesan produtor ba fos nian.
Vise-Presidente sublina tan, haree mós ba adezaun ASEAN tanba ne’e nasaun Vietnam Prontu atu fó apoiu no servisu hamutuk, nomos iha ambitu vizita Primeiru Ministru Vietnam nia sei mai iha tinan oin hodi bele asina akordu ida husi parte Câmara Comércio Industria Timor-Leste (CCI-TL) no Câmara Comércio Industria Vietnam nian.
Reportajen : Tomas
Foto : Tomas