Dili 01 Dezembru 2025 (Média Democracia) – Autoridade Seguransa, Polísia Nasionál Timor-Leste (PNTL), detein ona suspeitu ho inisial VAC, envolve iha kazu Omesidu agravadu no ofensas integridade grave ne’ebé akontese iha loron 29 Fulan Novembru 2025 tuku 06:30 dader, rezulta vítima xefe aldeia Metir, Miguel Coreia do Santos idade 50 ho suspeitu nia feen Augusto de Deus kanek grave iha área Dargeo, Aldeia Metir, Suku Fatumasi, Postu Bazartete Munisípiu Likisá, konferensia ne’e Media Democracia asesu husi pajina PNTL, Segunda semana ne’e
Porta-voz PNTL, atual Diretor Diresaun Servisu Investigasaun Kriminal (DSIK) Superintendente Polísia, João Belo do Reis hatete, kazu Omesidu agravadu no ofensas integridade grave ne’e akontese iha loron 29/11/2025 tuku 06:30, husi suspeitu ho naran inisial VAC lori besi baku mate Xefe Aldeia Metir, Miguel Coreia do Santos, mate fatin, deskonfia vítima xefe aldeia nia alin mane iha relasaun domin ho suspeitu nia feen.
“Bainhira Suspeitu VAC baku mate tiha vítima xefe aldeia Metir ne’e, Suspeitu mós lori arma branka sona kaben nia feen ho kondisaun gravida, rezulta kanek grave, tanba Suspeitu, deskonfia vítima xefe aldeia nia alin mane iha relasaun domin ho Suspeitu nia feen vítima Augusta de Deus.” Dehan Porta-voz, PNTL, atual Diretor Diresaun Servisu Investigasaun Kriminal (DSIK) Superintendente Polísia João Belo do Reis
Porta-voz hatutan hafoin akontese Polísia Nasionál Timor-Leste PNTL Munisípiu Likisá halo kedas atendimentu ba vítima mate isin Xefe Aldeia Metir Miguel Coreia do Santos ba HNGV hodi submete ba prosesu autopsia tuir prosedimentu lei, kontinua halo kordenasaun lideransa Komunitariu ho joven sira buka tuir suspeitu VAC.
“Ita-nia Polísia Eskuadra Polísia Bazartete simu informasaun katak, kazu Omesidu Suspeitu VAC baku mate vítima xefe aldeia Metir no suspeitu sona kanek nia feen rasik, tanba deskonfia vítima xefe aldeia Metir nia alin mane iha relasaun domin ho suspeitu nia feen vítima Augusta de Deus mak suspeitu halo asaun baku mate vítima xefe aldeia Metir no nia feen gravida kanek grave to’o rezulta baixa iha ICU Hospital Nasionál Guidu Valadares (HNGV) hetan Testamentu intensivu.” Dehan PNTL, atual Diretor Diresaun Servisu Investigasaun Kriminal (DSIK) Superintendente Polísia
Porta-voz informa, bainhira suspeitu komete tiha kazu omesidu, halai husi fatin akontesimentu, nune’e lideransa Komunitariu ho joven sira hamutuk ho PNTL Munisípiu Likisá halo operasaun Konjunta buka tuir suspeitu iha loron 30 Fulan Novembru 2025 tuku 01:30 Meudia konsege kaptura iha Ai laran, área baliza entre suku Fahilebo ho Suku Fatumasi nia klaran hodi kontinua kedas transporta ba Komandu PNTL Munisípiu Likisá nia fatin hodi halo Investigasaun.
Esplika liután kazu omesidu ne’e Servisu Investigasaun Kriminal Munisípiu Likisá halo prosesu rejista ho NUK 0104-LIBZT, kontinua detein suspeitu VAC iha sela PNTL Likisá, molok aprenzenta Ministeriu Públiku hodi kontinua interrogatoriu dahuluk iha tribunal atu foti desizaun, tanba ne’e PNTL hakarak agradese ba lideransa Komunitariu ho komunidade sira apoiu servisu PNTL konsege detein suspeitu ba kazu Omesidu refere.
Reportajen : Nelfiano
Foto : Media PNTL