Dili, 09 Dezembru 2025 (Média Democracia) – Lalenok ba Ema Hotu LABEH hamutuk ho Joventude Anti Korupsaun selebra loron mundial anti korrupsaun ho tema “Unitin With Youht Against Corruption Shaping Tomorrow’s Integrity” hodi garante integridade iha future. Serimonia ne’e hala’o iha edifisio LABELE Comoro.
Reprezentante Diretor LABEH, Membru Joventude Anti Korrupsaun Ano Pereira hateten, ohin selebra loron mundial anti korrupsaun haree ba tema fó hanoin Joventude Anti Korupsaun husi LABEH atu fanu joven sira nia espíritu atu luta no kontra korrupsaun iha rai laran.
“Loron 09 Dezembru kada tinan Lalenok ba Ema Hotu hamutuk ho joven anti korrupsaun sempre selebra hanesan Loron Mundial Anti Korrupsaun iha Timor-Leste maibé mundu internasional mós kada tinan sempre komemora loron importante ida ne’e. Tanba ne’e ami konvida ita hotu iha tinan oin sei selebra atividade boot liu nune’e bele Kombate Korupsaun iha rai laran.” Dehan Membru Joventude Anti Korrupsaun, Ano Pereira
Membru Joventude hatutan, haree ba tema ohin loron nian atu reflete maluk Joventude hotu no sai lian ba joven sira atu hambrik brani koalia ba publiku atu nune’e bele kombate korrupsaun iha rai laran.
“Ha’u nia observasaun relasiona ho asuntu importante ida ne’e ha’u hanoin iha kazu lubuk ida ne’ebé durante ne’e ita lao sei hakdasak hela liu-liu kona-ba dezenvolvimentu. Tanba ne’e LABEH kria nia Joventude rasik atu hambrik iha oin hodi hakilar katak “Lae ba koruptor sira no abaixu korrupsaun iha Timor-Leste. Atu nune’e servisu tenke ho fuan no laran-moos tanba rai ida-ne’e presiza tebes ita.” Hatutan Membru Joventude Anti Korrupsaun
Membru Joventude afirma, LABEH realiza atividade sira hanesan ne’e tanba LABEH iha média rasik atu hatudu ba mundu katak iha Timor-Leste Labeh akompaña, hela situasaun ne’ebé akontese iha rai laran, bainhira akontese korrupsaun Labeh sei keixa ba Ministeriu Komisaun Anti Korrupsaun tanba atividade keixa ne’e LABEH realiza hahu husi 2003 mai to’o agora.
Observasaun Labeh nian haree ba Ministeriu Anti Korrupsaun KAK durante ne’e halo servisu di’ak maibé iha buat balun mak faille, tanba KAK asume kargu iha Partidaria nia okos entaun atu foti desizaun presiza tetu didi’ak.
Esplika liután Lalenok ba Ema Hotu LABEH hamutuk ho Joventude Anti Korrupsaun JAK inklui partisipasaun husi estudante sira hodi realiza atividade selebrasaun loron Mundial Anti Korrupsaun ho Marsa lao ain husi Edifisiu Labeh ba to’o Rotunda Nicolau Lobato depois fila mai edifisiu Labeh hodi hakilar abaixu korrupsaun iha rai laran.
Reportajen : Nelfiano
Foto : Nelfiano