Dili, 08 Janeiru 2026 (Média Democracia) – Instituto Nasional Combate HIV-SIDA “Sigla Portuges” realiza atividade kampaña sensibilizasaun informsaun HIV-SIDA kona-ba moras hada’et husi relasaun seksual ba Estudante foun iha Eskola Colegio São José Operariu. Atividade sensibilizasaun ne’e hala’o iha salaun São José Operariu Kuarta feira semana ne’e.
Presidente Institutu Nasionál Kombate HIV-SIDA Daniel Marçal hateten, atividade primeru ba iha tinan 2026 fulan Janeiru loron 7 ne’ebé INCSIDA realiza iha eskola Colegio Sao José Operariu hodi mai partilla informsaun ne’ebé importante tebes ba sira nia estudante oinsa atu prevene-an husi transmisaun HIV iha Timor-Leste.
“Ita hatene tanba tuir dadus ne’ebé iha ita-nia joven sira barak liu mak kona HIV, tanba ne’e eskola sira agora prekupa tebes ho moras ida ne’e, ema seluk hanoin moras ne’e husi feto ne’ebé nakar no mane ne’ebé mak nakar maibé liuhusi formasaun ne’e bele fó ba estudante sira oinsa bele prevene-an husi moras refere.” Dehan Presidente Institutu Nasionál Kombate HIV-SIDA Daniel Marçal
Presidente Institutu Nasionál Kombate HIV-SIDA hatutan, tanba joven mane balun ne’ebé iha uma de’it mak halo relasaun sala ho feto ne’ebé hetan ona HIV ikus mai mane mós hetan HIV, maibé fiar katak liuhusi formasaun ne’ebé durante ne’e fahe komunidade sira bele loke sira-nia hanoin hodi bele prevene-an husi seksu livre, nune’e bele hadok-an husi virus HIV.
“Ita hotu hatene katak HIV laos hada’et husi feto nakar no mane nakar maibé hada’et husi joven sira ne’ebé halo relasaun domin, tanba ne’e mak mestri sira preukupa tebes, eskola barak mak ita sei fahe informasau maibé agora sei haree liubá joven sira.” Hatutan Presidente Institutu Nasionál Kombate HIV-SIDA
Iha fatin hanesan Estudante Frecia Natalia Urbano hateten, hanesan estudante sente kontente bainhira rona no aprende buat ne’ebé foun liu-liu kona-ba virus HIV, tanba joven barak maka daudaun ne’e balun kona virus HIV no balun mate.
“Ha’u nia hanoin kona-ba ohin INSCIDA fahe informasaun kona-ba HIV-SIDA ne’ebé pasa ona mai ami, ami sente infomasaun ne’e importante tebes ba ami estudante oinsá ami bele aumenta ami nia koñesimentu no ami mós bele hatene buat ne’ebé di’ak no la di’ak mai ami nia-an, nune’e bele hadok-an husi moras virus.” Dehan Estudante Frecia Natalia Urbano
Estudante ne’e hatutan, hakarak husu ba kolega no joven sira hotu iha Timor-Leste katak, ema ida-idak tenke prevene-an husi moras oin-oin, liuliu moras HIV-SIDA, tanba virus refere bele halakon ema vida
“Ita ida-idak tenke prevene ita-nia an husi moras oin-oin liuliu moras HIV-SIDA, tanba ita hotu hatene katak HIV-SIDA ne’e hetan impaktu husi relasaun sexsuál tan ne’e husu ba joven sira tenke prevene-an husi seksu livre, nune’e bele kontribui ba dezenvolvimentu nasaun Timor-Leste, tanba ita mak jerasaun foun ba rai ida-ne’e.” Hatutan Frecia
Esplika liután Programa sensibilizasaun informsaun nu’udar preventiva ida ba transmisaun HIV-SIDA iha Timor-Leste no programa ne’e funsaun atu konsensializa ba ema hotu hodi prevene-an husi transmisaun virus ida ne’e.
Reportajen : Nelfiano
Foto : Nelfiano