Dili, 12 Janeiru 2026 (Média Democracia) – Autoridade Protesaun Civil APC realiza konferensia imprensa hodi atualiza informasaun kona-ba dezastre naturais husi loron 05-12 Janeiro 2026, Durante Semana ida ne’e, iha rejiaun Timor-Leste normal. Konferensia ne’e hala’o iha Salaun APC Caicoli Dili.
Diretor Gabinete Externa no Komunikasaun GREK-APC, Cezario da Silva Marques hateten, iha semana ida nia laran akontese tipu dezastre maka CNOPC-APC rejistu kazu dezastre Uma-kain Estragus hamutuk 99, iha Timor-Leste nune’e nafatin husu ba sidadaun hotu atu neon moris hodi hadok-an husi dezastre.
“Dezastre Naturais ne’ebé akontese ami rejista hanesan anin sobu uma 11, ahi-han uma 2, Prienxe kriteria 12, apoiu de’it Emerjensia hamutuk 87, numeru ema afetadus 542, bee sae 86.” Dehan Diretor Gabinete Externa no Komunikasaun GREK-GREK-APC, Cezario da Silva Marques
Diretor afirma, dezastre ne’ebé akontese iha Munisípiu sira hanesan Munisípiu Baucau anin sobu uma 2, ahi-han uma 1, iha Munisípiu Bobonaro bee sae uma hamutuk 51, iha Munisípiu Ermera anin sobu uma 2, ahi-han uma 1, Munisípiu Lautem anin sobu uma 1, Munisípiu Liquiça anin sobu uma 2, bee sae 35, Munisípiu Manufahi anin sobu uma 3 nomos Munisípiu Viqueque anin sobu uma 1.
“Deskrisaun ba akontesimentu dezastre naturais husi Munisípiu Baucau Posto Baucau Villa Suku Wailili, aldeia Assobua, iha loron 03/01/2026 akontese anin sobu komunidade nia uma 1 at naton. Iha Suku Wailili, aldeia Zedatane, iha loron 07/01/2026 akontese anin sobu komunidade nía uma 1 at Kaman. Iha Suku Puibau, aldeia Loidua, iha loron 08/01/2026 akontese ahi-han komunidade nia uma 1 at total.” Afirma Diretor Gabinete Externa no Komunikasaun GREK-APC
Diretor informa, iha Munisípiu Bobonaro Posto Atabae Suku Aidabaleten, aldeia Tutubaba, iha loron 01/01/2026 akontese be’e sae estraga komunidade nia uma 36, la prienxe krieteria apoiu de’it emerjensia. Iha Suku Aidabaleten, aldeia Sulilaran, iha loron 01/01/2026 akontese be’e sae estraga komunidade nia uma 11, la prienxe krieteria apoiu de’it emerjensia. Iha Suku Aidabaleten, Aldeia Tasimean, iha loron 01/01/2026 akontese be’e sae estraga komunidade nia uma 4, la prienxe kriteria apoiu de’it emerjensia.
Munisípiu Ermera Posto Hatolia Suku Asulau sare, aldeia Dirhati, iha loron 07/01/2026 akontese anin sobu komunidade nia uma 1 kategoria at kaman. Iha Suku Tokoluli, aldeia Kaisahe, iha loron 03/01/2026 akontese ahi-han komunidade nia uma 1 kategoria at kaman. Posto Ermera Suku Poetete, aldeia Poetete Villa, iha loron 11/11/2025 akontese anin sobu komunidade nia uma 1 kategoria at kaman.
Diretor salient, Municipiu Lautem Posto Luro Suku Com, Aldeia Pitileti, iha loron 03/01/2021 akontese anin boot estraga komunidade nia uma 1, tama iha kategoria aat naton. Aleinde ne’e iha Munisípiu Liquiça Posto Loes Suku Vatuboro, aldeia Vaupu, iha loron 05/01/2026 akontese be’e sae ba komunidade nia uma 15, no 14 la tama iha kategoria, 1 mak tama ba kategoria aat kaman. Iha Suku Vatuboro, aldeia Caibalir, iha loron 05/01/2026 akontese be’e sae ba komunidade nia uma 20 no hetan de’it apoiu emergensia tanba la tama kategoria nomos familia afetadu evakua ba familia sira nia uma. Posto Maubara Suku Vaviquina, Aldeia Maubara villa, iha loron 05/01/2026 akontese anin sobu komunidade nia uma 2, latama kategoria.
Iha Munisípiu Manufahi Posto Alas Suku Taitudak, aldeia Ailora, iha loron 02/01/2026 akontese anin bo’ot estraga komunidade nia uma 1, tama iha kategoria at total. Iha Suku Babulo Aldeia Lianai iha loron 27/12/2025 akontese anin boot estraga komunidade nia uma 1, tama iha kategoria aat total. Posto Same Suku Holarua, aldeia Tirlolo, iha loron 06/01/2026 akontese anin bo’ot estraga komunidade nia uma 1, tama iha kategoria aat total.
Diretor sublina haree iha Munisípiu Viqueque Posto Viqueque Villa Suku Bahalara uain Aldeia Aisahe, iha loron 05/01/2026 akontese anin boot estraga komunidade nia uma 1. tama iha kategoria aat kaman.
Esplika liután daudaun Komandu APC destakadu iha Munisípiu ho parseiru relevante fornese asistensia emerjensia ba família afetadus sira hanesan ai-han no laos ai-han (food item & Non-food Item). Komando Operasional Autoridade Protesaun Sivil (APC) Munisípiu sira sei kontinua halo hela levantamentu detaillus kona-ba sasan ne’ebé estragus no lakon.
Reportajen : Nelfiano
Foto : Nelfiano