Dili, 21 Janeiru 2026 (Média Democracia) – Sekretariu Estadu Protesaun Civil (SEPC) hala’o vizita ba armajen emerjersia Kampu-Baru hodi haree stock fos 13.000 mak prepara atu distribui ba vitima sira ne’ebé hetan dezastre naturais iha Territóriu Timor-Leste.
Tuir Sekretariadu Estadu Protesaun Civil (SEPC) Domingos Mariano Reis hateten, fos hamutuk 13.000 mak estoque preparadu iha armazem atu distribui ba vitima dezastre naturais iha teritoriu Timor leste.
“Ohin ha’u to’o mai atu rona Xefi Departamentu na’in rua nia informasaun kona-ba stok fos ne’ebé prontu hela bainhira dezastre akontese emediatamente dentru oras 24, APC resposta kedas nomos kuandu iha dezastre kiik oan ne’ebé akontese iha Postu no Munisípiu, ita-nia ekipa iha Munisípiu no Postu bele responde emediatamente. Ha’u dehan tan de’it katak vizita ida ohin hanesan vizita supreza ida ba Diresaun Nasionál Resposta Emerjensia, nune’e atu superviziona no observa direita sira nia stok fos.” Dehan Sekretariu Estadu Protesaun Civil (APC) Domingos Mariano Dos Reis
Sekretariadu Estadu Protesaun Sivil hatutan, fos hirak ne’ebé iha Diresaun Nasionál Resposta Emerjensia bele responde hotu ba dezastre ne’ebé akontese iha teritorio Timor-Laran. Kada fulan tolu APC sempre desloka fos ba Munisipiu.
“APC iha pakote rua maka ai-han nomos lá’os ai-han, nune’e ai-han hanesan fos ne’ebé Stok reading hela ho saka rihun 13 nia kg 25, porvolta toneladas 365 resin, ida ne’e hetan apoiu husi ita-nia parseiru relevante sira.” Hatutan Sekretariu Estadu Protesaun Sivil (APC) Domingos Mariano Dos Reis
Sekretariu Subliña liután, organizasaun Ai-han Mundiál (WFP sigla Inglesh) nu’udar parseiru prinsipál husi Protesaun Sivíl nian ne’ebé tinan kotuk ita husu apoiu bá sira, nune’e sira apoiu fos ho saka rihun 3 mai iha ne’e tau hela iha armazenamentu Bebora, Nune’e haruka hela pesoal emerjensia muda mai iha fatin Armajen movel.
Armajen ne’ebé Multifunsaun kualker momentu kuandu laiha Stok iha ne’e ita bele uza bá sentru evakuasaun bainhira dezastre akontese ho kuantidade ne’ebé boot iha fatin, maibé ne’e hanesan armajen provizoriamente, No ita iha armajen permanente rua, ida iha Viqueque no ida iha Suai Kovalima nomos iha armajen ne’ebé deskarega ba Autoridade Protesaun Sivíl iha Munisípiu 13 inklui Raeoa sira ho nia kapasidade naton maibé bele responde ba pakote 250
Reportajen : Estajiadu Marito
Foto : Marito