Dili, 06 Fevereiru 2026 (Média Democracia) – Provedoria dos Direitos Humanos e Justiça (sigla portugues) PDJH husu ba Ministeriu Interior no PNTL anula desisaun diskriminativu rekrutamentu kadetes PNTL foun.
Provedoria Direitos Humanos e Justiça (PDHJ) Virgílio da Silva Guterres hateten, ohin hasoru malu ho reprezentante kandidatu ba prosesu rekrutamentu PNTL ninin ne’ebé valor la admiti atu tuir teste mediku.
Providoria hatutan, porta-voz nain neen ka nain hitu hato’o sira nia preokupasaun iha pontu tolu hanesan, husu ba proverdor halo komunikasaun politika ho entidade relevante sira hanesan Ministeiru Interior nomos Komisariu Jeral PNTL kona-ba prosesu rekrutamentu refere, nune’e bele buka hatene detallus kona-ba prosedimentu husi parte Ministeiru Interior no husi parte Komandu PNTL.
“Ami nia ekipa haree iha pajina PNTL nian seidauk hetan desizaun eskrita. Aleinde ne’e reprejentante kadetes foun ne’ebé la admiti la tuir teste mediku katak sira nia naran aprovadu, maibé la admiti atu ba faze teste mediku nian.” Dehan Provedoria Direitos Humanos e Justiça (PDHJ) Virgílio da Silva Guterres husi esplikasaun porta-voz kadetes foun PNTL
Providoria informa, iha ekipa atu halo analiza ba dokumentus legais hanesan Jornal Republika ne’ebé publika kona-ba prosesu rekrutamentu refere. Karik Jornal Republika hateten eliminatoriu depois mai fali iha prosesu akumulativu fali ida ne’e laiha konsistensia, entaun ne’e parte legal mak sei haree. Aleinde ne’e alegasaun ka lamentasaun reklamasaun husi publiku nian atu justifika maka ita presija iha fiskalijasaun tun atu prova, kuando iha prova ona ne’e bele sai baze ba ita atu pronunsia deskriminasaun ka familiarizmu.
“Agora seidauk bele pronunsia, tanba ita tenki investiga uluk, mas rona husi reprezentante temi kona-ba suku ka munisipio balun nia ema de’it mak tama, tanba iha relasaun ho offisial iha munisipio balun, maibé ami konsidera ne’e hanesan alegasaun ne’ebé ema kesar nain sira entrega mai ami PDHJ seidauk iha pozisaun ruma kona-ba ida ne’e.” Afirma Virgílio da Silva Guterres
Akontese iha Ministeiru sira seluk ba iha prosesu rekrutamentu ba funsionariu publiku sira labele iha konflitu interese, se oan mak mai tuir teste vaga ne’e aman ka inan labele halo intervista, fó ba ema seluk maka halo intervista, nune’e bele hases husi problema sira. Aleinde ne’e Provedoria Direitos Humanos e Justiça Virgílio da Silva Guterres hateten tan, iha konkluzaun violasaun ne’e presija hetan preferensia analiza atu konfirma prosedimentu sira, nune’e hafoin ita bele hatene katak ne’e los ka sala.
Reportajem : Estajiadu Marito
Foto : Marito