Dili, 09 Fevereiru 2026 (Média Democracia) – Estudante ativu hamutuk ho Senadu Estudantil UNITAL, Ekipa Reitoria no Prezidente Fortil ho nia estrutura halo dialogu kona-ba osan edifisiu montante 150.
Tuir porta-voz Jaimito Maya da Cruz hateten, osan ho montante $150 ne’e konsidera hanesan kobransa ilegal ne’ebé parte Reitoradu halo hasoru estudante hahu husu 2018 to’o 2026 tanba la iha arkivu.
“Bazeia ba problema estrutural ne’ebé durante estudante sira infrenta, nune’e estudante ativu hamutuk ho Senadu Estudantil UNITAL konvida parte rua hanesan Ekipa Retoria Prezidente Fortil ho nia estrutura hodi halo dialogu aberta, husi dialogu ne’e parte fundasaun rekomenda katak exeptu husi kobransa ilegal ne’e responsavel husi universidade atu rejolve, tanba ne’e bazeia ba despaixu fundasaun klasifika ba ekipa rua hodi hatan ba despaixu, hanesan ekipa responsabiliza ba investigasaun osan edifisiu nian no ekipa ida seluk ba asedu sexual ho kobransa illegal, nune’e ami husi parte mak toma konta ba osan edifisiu nian investigasaun no hala’o verifikasaun fizika hodi buka hatene faktus, dadus, evidensia, relasiona ho osan edifisiu nian iha universidade refere, husi periodu 2018 to’o 2020 durasaun verifikasaun hahu husi loron 18 fulan dezembru tinan 2025 to’o loron 20 fulan janeiru tinan 2026, no sei pronunsia nia rejultadu ba publiku iha loron 21 fulan janeiru tinan 2026, no antes despaixu husi universidade nian ba graduasaun sira husi dadus sira ne’ebé ekipa deside foti amostra hamutuk 210 pessoas nia prosesu verifikasaun la konsege atinji kuantidade amostra ne’ebé sita iha leten, nune’e ami deside hatun ba 190 pessoas, tanba ita haree husi arkivu administrasaun ladun garantidu, nunee mak ita hamenus” Dehan Porta-voz Jaimito Maya da Cruz
Porta-voz ne’e informa tan, osan edifisiu ne’ebé estudante selu kompostu husi Graduadu 2018 to’o 2026 ne’e resivu ka kuitansia, parte adminiatrasaun la halo arkivu. Husi komisaun investigasaun reprezentante estudante nain rua fundasaun nain rua no husi kampus nain rua hamutuk hodi trata lisuk osan edifisiu nian no jestaun administrativa sira seluk husi investigasaun ne’e konsege komprova katak estudante graduadu kompostu husi 2018 to’o 2020 la halo pagamentu ba osan edifisiu nian ho montante osan 200 dolares, tanba osan edifisiu ne’e la preve iha brosura kuitansi tuir iha relatoriu. Aleinde ne’e komisaun investigasaun verifika dokumentu diretamente hodi identifika katak resivu pagamentu husi estudante ba iha banku barak mak lakompletu.
Komisaun investigasaun verifika dokumentu didi’ak ona hodi haree katak osan edifisiu nian ho montante 150 dolares la preve iha resivu banku no brosura, nune’e rejultadu investigasaun refere mak ezize ba UNITAL atu devolve fila-fali estudante sira nia osan ba edifisiu ho montante 150 dolares, tanba la deskreve brosura no kuitansi. Aleinde ne’e estudante relata ba parte universidade no fundasaun hodi tau atensaun no tenke responde, se la solusiona mak estudante greve prosesu administrativu nomos prosesu re-inskrisaun estudante foun.
Reportagem : Estagiadu Marito
Foto : Marito