Dili, 13 Fevereiru 2026 (Média Democracia) – Governu liuhusi Sekretariu Estadu Formasaun Profesional no Empregu servisu hamutuk Embaixadora Australia kontinua realiza programa Pacific Australia Skiils (PAS) iha Timor-Leste, liuhusi fahe formasaun ba joven sira hodi hetan koñesimentu foun, nune’e bele dezenvolve Timor-Leste iha future. Atividade refere realiza iha Hotel Hilton Fatuhada Dili, Kinta semana ne’e.
Sekretaria Estadu Formasaun Profisional Empregu (SEFOPE), Rogério Araujo Mendonça hateten, agradese tebes ba Embaixada Australia iha Timor Leste Caitlin Wilson ho nia ekipa tomak, apresia tebes tanba bele kontinua ona programa PAS ida-ne’e iha Timor Leste.
“Programa ida ne’e kontinuasaun ba programa anterior nian ne’ebé ita hanaran Australia Program Traning Center (APTC) maibé ohin transforma ona mai iha Pasifik Australia Skiils (PAS), hanesan ita hatene ita-nia trabalador barak iha estranjeiru no iha rai laran, ita haree husi programa mobilidade laboral trabalador sira ba priense kuota boot iha skiils.” Dehan Sekretáriu Estadu Formasaun Profesional no Empregu SEFOPE, Rogério Araujo Mendonça
Sekretariu Estadu hatutan, trabalador sira ba ho esperensia menus ne’ebé servisu iha Australia, Nova zelandia, Korea nomos Japaun presija tebes trabalador sira ne’ebé iha abilidade esperensia no konesimentu iha area ne’ebé atu ba servisu, tanba ne’e ohin oportunidade di’ak tebes mai ho programa refere no lidera husi senhor Peter ho naran PAS.
“Ohin partisipa iha linas Ministeriu liu-liu ba sentru treinamentu sira uza oportunidade ida-ne’e, tanba oportunidade ne’e boot tebes ba ita-boot sira atu reforsa sentru formasaun no oinsa bele dezenvolve iha ita-nia rai doben Timor Leste.” Hatutan Sekretáriu Estadu Formasaun Profesional no Empregu SEFOPE
Sekretariu Estadu afirma, programa PAS ne’e laos iha de’it 2026 maibé sei priense to’o 2028. Ida-ne’e oportunidade di’ak tebes bele servisu hamutuk ho parseiru sira, nune’e bele hasae kualidade sentru treinamentu sira iha Timor-Leste, nomos prepara formandu no joven sira atu ba servisu iha rai laran no rai liur mai ho kualidade no esperensia di’ak.
Iha fatin hanesan Embaixada Australia, Caitlin Willson hateten, atividade ida ohin hanesan marka pasu importante ida Governu Australia ho Governu Timor-Leste halibur hamutuk hodi lansa programa rejional foun hanaran Pasifik Australia Skills (PAS) ne’ebé foku liu kona-ba kualidade abilidade ba empregu sira.
“Pasifik Australia Skills apoiu Timor-Leste nia vizaun rasik hodi dezenvolve abilidade empregu no kresimentu ekonomiku, tanba ne’e nu’udar prioridade nasional demanda husi industria lokal no aspirasaun husi komunidade. Pasifik Australia Skills hari’i hodi kontinua susesu husi programa abilidade anterior nian APTC ne’ebé husi 2021 to’o 2025 fó apoiu ba Timoroan liu 1.150 ne’ebé hetan asesu ba kualifikasaun abilidade ba formasaun nian.” Dehan Embaixadora Australia Caitlin Wilson
Embaixadora Australia hatutan, Pasifik Australia Skills hari’i husi legadu ida hodi servisu iha parseria ajensia no instituisaun Governu Timor nian no sentru formasaun sira empregador no komunidade atu asegura no kria formasaun forte hodi loke dalan empregu ba joven sira. Aleinde formasaun sei diriji ba merkadu traballu lokal no nesesidade industria hodi apoia Timor-Leste nia dezenvolvimentu ba tempu naruk no rejilensia ekonomika.
“Pasifik Australia Skills mós sei aliña ho Timor-Leste nia prebilidade iha mobilidade laboral liuhusi eskema Pasifik Australia Skills Mobiliti, koñesidu ho PALM Skills, Pasifik Australia Skills, nune’e sei kolabora ho Timoroan barak liután bele hetan abilidade ne’ebé empregador Australia presija.” Hatutan Embaixadora Australia Caitlin Wilson
Embaixadora relata, programa ida-ne’e mós sei foku liubá rezilensia klimatika hodi rekoñese katak hari’i forsa trabalu ne’ebé iha abilidade atu adapta responde no preparadu hodi hasoru impaktu mudansa klimatiku iha komunidade nia leet.
Esplika liután iha fulan oin mai Pasifik Australia Skiils sei servisu hamutuk Governu Timor-Leste liuhusi SEFOPE no liña Ministeriu sira seluk nomos sentru formasaun no empregador sosiedade sivil no komunidade hodi identidika aktividade prioridade no area kolaborasaun representa Timor-Leste nia vizaun no abilidade ba formasaun.
Reportajen : Nelfiano
Foto : Nelfiano