Dili, 19 Fevereiru 2026 (Média Democracia) – SECoop liuhusi Sekretariu Estadu Florestas (SEF) hala’o enkontru ba dala 4 hodi halo koordensaun ho parseiru dezenvolvimentu kooperativa iha TL.
Deskursu Sekretariu Estadu Cooperativa (SECoop) ne’ebé hato’o husi Sekretariu Estadu Floresta Fernandino Vieira, Inkontru koordensaun ba dala haat sai hanesan momentu estratejiku ida ne’ebé importante tebes atu hamutuk halo reflesaun oinsa bele servisu diak liután.
“Enkontru ohin ekipa SECoop no parseiru sira sei halo diskusaun kona-ba progresu ne’ebé ita atinji ona no obstakulo ho dezafiu sira ne’ebé bele hadia liuhusi nia intervensaun sira ligasaun ho servisu dezenvolvimentu kooperativa iha ita-nia rai. Ita mós sei haree klaramente papel Sekretariu Estadu Kooperativa atu harmoniza koordena no fasilita servisu hotu-hotu hodi sai efetivu no fó impaktu real ba komunidade sira.” Dehan Sekretariu Estadu Floresta Fernandino Vieira
Sekretariu informa, objetivu husi Enkontru ne’e laos de’it implementa projetu maibé kontinua hametin kooperativa sira hodi sai forte, transparante, responsavel no sustentavel.
“Kooperativa tenki sai instrumentu importante hodi hasae produsaun, halibur no fasilita prosesamentu produtu husi toos nain sira ba merkadu hodi aumenta rendimentu familia sira no hametin ekonomia rural bainhira ekonomia familia iha zona rural sira forte ona automatikamente ekonomia nasaun mós sei forte, tan ne’e SECoop iha papel fundamental atu kontribui ba dezenvolvinentu inkluzivu no sustentavel iha Timor Leste.” Informa Sekretariu Estadu Floresta
Sekretariu ne’e hatutan tan, iha tinan hirak liubá SECoop ezerse komprimisiu hodi bele estabelese no hametin kooperativa primaria iha nivel komunidade. Kooperativa sekundaria (Multikoperativa ka federsaun) iha kada Munisipiu nomos Confederasaun nacional de Cooperativas Timor Leste (CNCTL) iha nivel Nacional
Entretantu estrutura organizasaun movimentu Kooperativa konsege halibur kapital no reseita hamutuk 21 milhoes dolares amerikanu no fó kredito ba membro no agirkultor sira ho montante 10 milhoes dolares amerikanu.
Reportajem : Estajiadu Marito.
Foto : Marito