Dili, 04 Marsu 2026 (Média Democracia) – Provedoria dos Diretos Humanos no Justisa (PDHJ), Virgílio da Silva Guterres “Lamukan” hateten, estadu tenke buka veteranu ne’ebé laiha servisu hanesan ferik no katuas sira, nune’e bele tau matan ba sira, laos ejije estadu atu selu maibé estadu tenke rekoñese.
Provedór dos Diretos Humanos (PDHJ), Virgílo da Silva Guterres hateten, selebrasaun komemora ne’e hanoin kona-ba momentu historia ruma ne’ebé iha pasadu no sai hanesan referensia ida.
“Selebrasaun komemorasaun ne’e ita hanoin kona-ba momentu historia ruma ne’ebé mosu iha pasadu ne’ebá no sai hanesan referensia ba ita atu haree ita nian agora ne’e, no la’o tuir hanoin ne’ebé sira deside ka lae, veteranus atu husu dehan prinsipiu sira ka komprimisiu sira ne’e ke’e veteranus sira deside iha MAUBAI ne’e sira aplika ka lae, tanba agora ho espiritu foun dehan veteranus sira na’in ba independensia no rin ba nasaun.” Dehan Provedór dos Diretos Humanos no Justisa (PDHJ), Virgílo da Silva Guterres
Provedór dos Diretos Humanos no Justisa (PDHJ) hatutan, estadu tenke buka tuir veteranu sira ne’ebé la hetan servisu tanba sira ferik no katuas ona no tenke tau prioridade uluk ba sira. nune’e estadu tenke asume kna’ar refere, tanba sira luta ba estadu no estadu harii ona konstituisaun Presidente Republika, iha Governu, Parlamentu no Tribunal, entaun estadu tenke rekoñese ninia sidadaun sira ne’ebé fó dedikasaun atu harii estadu ida ne’e.
Iha sorin seluk juventude rezistensia João Soke sente orgullu tanba bele hato’o nia opinian iha loron komemorasaun ida ne’e no fó hanoin mós ba joven agora atu muda sira nia hahalok.
“Ha’u orgullu tanba ha’u mos bele koalia no bele hato’o ha’u nia opiniaun balun hodi hadi’a nasaun, ami mos orgullu tanba ami sei bele moris hodi akompaña nasaun ne’e, ha’u sempre kritika beibeik katak ema hotu-hotu servisu makas hodi hetan di’ak, no Presidente mós dehan servisu veteranus nian seidauk hotu, ita tenke kuda nafatin sentimentu nasionalizmu la’os de’it ho asaun konkreta.” Dehan João Soke iha MAKLN
Juventude Rezistensia João Soke mós hakarak fó hanoin ba joven sira katak ukun a’an ne’e hanesan babain la’os oferese ho bandeira maibé ukun-aan ne’e ema sofre naruk hamutuk 200 mil ital mak mate ba rai ida ne’e hodi ukun-aan. Aleinde ne’e mós nia hakarak halo diferensiasaun entre juventude ida uluk ho juventude ida agora. Joventude ida agora kuandu falla ne’e tanba joventude ida uluk ne’e la ajuda sira no veteranu sira mós toba nonok hotu, agora momentu di’ak ho ukun-aan ona fanu fali ita-nia-aan rasik para nasaun presiza ita, no joven sira ida agora ne’e atu muda atetude hodi priense nasaun ne’e nia todan liu fali luta ba ukun-aan.
Reportajen : Nélia
Foto : Nélia