Dili, 06 Marsu 2026 (Media Democracia)- Ministériu Interior liuhusi ninia portavoz Asuntu Seguransa nian, hala’o komunikandu imprensa kona-ba partilla informasaun durante semana rua kotuk hahu husi dia 16 fevereiru to’o 01 marsu no ultima 24 horas iha sala konferensia Ministériu Interior.
Portavós Ministeriu Interior liu husi Asuntu seguransa Mouzinho T. Correia hatete situasaun seguransa nasional jeralmente la’o ho di’ak, maske akontense asidente maibe la perturba situasaun ordem publiku.
“Iha periodu 16 fevereiru to 01 marsu no ultima 24 horas situasaun seguransa nasional jeralmente la’o ho di’ak mesmu akontese insidente no asidente balun mas la perturba situasaun orde publiku iha rai laran. Situasaun ne’e konsideran estavél tanba esforsu husi autoriedade seguransa no servisu hamutuk ho komunidade sira, joven, estudante no ema hotu ne’ebé hela iha Timor leste.” Dehan portavóz
Portavóz ne’e mós haktuir tan katak situasaun seguransa iha rai laran durante semana rua nia laran insidente hamutuk 72 no krime hamutuk 76.
“Situasaun seguransa iha semana rua nia laran mak insidente hamutuk 72 mak hanesan violensia domestika hamutuk 26, asaltu hamutuk 17, furtu hamutuk 10, asaultu seksual hamutuk 4 no kontrabandu 3 iha parte total atus krime nian hamutuk 76 mak hanesan ofensa ba integridade simples 26, mau stratus ba konjuje hamutuk 9, furtu simples hamutuk 6, furtu agravadu hamutuk 5 no kontrabandu hamutuk 3.” Dehan portavóz Asuntu Seguransa Mouzinho T. Correia
Nia mós informa tan katak asidente trafiku rodaviaria hamutuk atus ida tolunulu resin hitu (137) durante akontese iha seman ida nia laran.
“Asidente tráfiku rodaviaria hamutuk atus ida tolunulu resin hitu (137) mak hanesan total asidente hamutuk 65 asidente kompostu husi motor no kareta, total ema mate zero (0), total ema kanek todan hamutuk 9 no total ema kanek kaman hamutuk 73.” Haktuir nia
Nia mós konklui katak asidente barak liu akontese iha munisipiu Dili, tuir fali RAEOA, munisipiu lautem no Vikeke. Enkuantu munisipiu sira ne’e laiha insidente ruma akontese iha sira nia area juridisaun durante semana rua ikus mak Aileu, Atauro, Bobonaro, Ermera, Manututo no Manufahi. Apresia tebes ba komunidade sira liuliu ba alin joven sira nomos autoriedade sira iha munisipiu sira ne’ebé kumpridor hodi Evita an ba autos violente sira.
Reportajen : Nélia
Foto : Nélia