Dili 06 Marsu 2026 (Média Democrácia)- Sekretariu Estadu Ba Formasaun Profisional No Empregu (SEFOPE) realiza serimonia assina akordu ho trabalhador timoroan nain 135 ne’ebe sei aranka iha dia 6 to dia 20 de marsu tinan ne’e hodi ba servisu iha nasaun Australia.
Tuir Sekretáriu Estadu ba Formasaun Profisionál no Empregu (SEFOPE) Rogério Araújo Mendonça hateten, molok trabalhador atu sai ba servisu iha nasaun seluk SEFOPE sempre realiza serimonia despedida ba traballadór sira no tempu asina mos termu aseitasaun parte traballadór ho familia traballador ho governu ba servisu iha australia ho durasaun fulan 9.
“Molok sira atu sai ba servisu iha liur SEFOPE sempre realiza serimonia despedida ba trabalador sira no tempu asina mós termu aseitasaun parte traballadór ho familia traballadór ho governu ba servisu iha australia ho durasaun fulan 9 ho nia objetivu hodi bele fó orientasaun ba ita nia traballadór Sira” dehan Sekretariu Estadu Rogério Araújo Mendonça.
Sekretáriu Estadu Informa Haree fali ba iha numeru ne’ebe mak traballadór iha Australia hamutuk 22 mil husi Tinan 2012 to tinan 2026 numeru ne’ebe mak boot teb-tebes kompara ho nasaun 10 ne’ebe maka ita iha asia pasifiku ne’e Australia prefere hili liu Timor Leste mak ho numeru ne’ebe mak bo’ot.”Dehan Sekretariu Estadu.
“Sefope Fo apresia ba governu Australia ne’ebe mak iha komitmentu tebe-tebes liuliu ba iha programa sira mak hanesan Pacific Australia Labour Mobility (PALM), Pacific asia skills (PAS) ida ne’e ho nia objetivu halo servisu hamutuk ho governu Timor Leste liuhusi SEFOPE hodi hasa’e numeru no kapasita joven sira mesmu tempu hasa’e mós numeru traballador ne’ebe maka ba servisu iha Australia” Dehan Nia.
Nia Salienta tan haree fila fali ba iha traballadór sira ne’ebe mak ba servisu iha nasaun Australia maioria iha agrikultura, holtikultura entaun politika ne’ebe mak governu TL ho governu Australia adopta fila fali oinsa hakarak atu bele hasa’e tan fila fali kualidade trabalhador nian iha setor seluk tan. Entretantu iha Tinan kotuk Primeiru Ministru rua husi nasaun Australia ho Timor Leste hakarak hasa’e tan numeru traballadór husi 10 mil ba leten.
Reportajem : Estajiadu Marito
Foto : Estajiadu Marito