Dili, 06 Marsu 2026 (Média Democracia)- Sua Excelencia Secretário de Estado Para a Formação Profissional e Emprego (SEFOPE), Rogério Araújo Mendonça hato’o despedida ba traballadór sira ne’ebé atu ba servisu iha nasaun Korea do sul hamutuk 63 no Nasaun Japaun hamutuk na’in 4.
Sua Excelensia Secretario de Estado para a Formasaun Professional (SEFOPE), Rogério Araújo Mendonça hatete katak deklarasaun ne’ebé mak trabalhador sira asina tenke kumpri tuir no hatudu komportamentu ne’ebé di’ak bainhira ba servisu iha ema nia rain.
“Deklarasaun sira ne’ebé ita boot sira osida asina no sei lee hatete katak ba sei la hemu tua, ba sei la mete arte marsiais iha ema nia nasaun fo komportamentu ne’ebé mak di’ak bainhira sira hala’o sira nia misaun ba servisu iha Korea do Sul nomos ba servisu iha Japaun.” Dehan Sua Excelensia
Sua Excelensia mós husu ba traballadór sira nia familia atu halo orasaun ba traballadór sira tanba sira la’os servisu iha rai maran maibe sira oras barak liu iha tasi laran.
“Traballadór sira ne’ebé mak ba servisu iha korea, sira ba servisu iha area ida ne’ebé mak risku tan ne’e husu nafatin familia sira atu halo orasaun atu akompaña traballadór sira no kultura ita nian ne’ebé mak ita iha tenke halo nafatin kultura ne’ebé maka di’ak hodi haree ba sira nia viajen, orasaun ba sira tenke akompaña nafatin iha sira nia misaun tanba sira la’os servisu iha rai maran maibe tempu barak liu sira servisu iha tasi laran” dehan sua excelensia SEFOPE
Iha sorin seluk Diretór Diresun nasional Estranjeiru, João Correia Pereira hatete bainhira traballadór sira atu ba servisu iha nasaun Korea do Sul, Australia, japaun no Nova Zelandia sempre halo despedida ho traballadór sira.
“Bainhira traballadór atu husik hela ita atu ba servisu iha Korea do Sul, Australia, Japaun no Nova zelandia ita sempre iha despedida ho sira molok sira ba servisu iha rai li’ur, ita hotu afirma katak husi sira ohin loron ita hotu hamutuk iha ne’e, no ha’u hakarak relata katak dadus hahu husi Korea do Sul tinan 2026 ita nia numerus sa’e ona ba 7.900 pesoas ita bele dehan Korea nia numeru komesa boot ba beibeik husi ida ne’e pescas mak barak liu kuaze iha 5.092 pesoas, fabrika nian iha 2.500, iha agrikultura ne’e ita foin iha 78 pesoas iha ne’ebá” dehan Diretór Diresaun Nasional Estranjeiru
Iha parte seluk reprezentante traballadór Korea do Sul no Japaun, Nelson Maia husu ba inan no aman sira atu labele triste no tenke hatudu nafatin sira nia oin hamnasa ba sira bainhira sira iha dook no nia mós husu ba maluk traballadór sira atu kuidadu aan iha ema nia nasaun.
“Ha’u husu ba inan aman sira ne’ebé mak ohin partisipa iha ne’e atu labele triste bainhira ami la’o ba ema nia rain no labele hatudu imi nia oin triste maibe tenke hatudu nafatin imi nia hamnasa tanba imi nia hamnasa mak halo ami forsa maske ami dook tenke akompaña nafatin ami ho imi nia orasaun no ha’u mos husu ba ha’u nia maluk traballadór sira atu ba servisu iha ema nia rain tenke kuidadu aan.” Dehan traballadór
Traballadór hamutuk 63 mak sei ba korea lolos 65 ida fila ona ba Aman maromak no ida rejeita ba dalarua ona traballadór sira ne’ebé mak pronto atu ba ne’e hamutuk ema na’in 63. Sira ne’e iha area peskas hotu sira hamutuk 63 foun hotu laiha tuan ida kahur no traballadór sira ne’ebé atu ba servisu iha Japaun hamutuk ema na’in Haat (4).
Reportajen : Nélia
Foto : Nélia