Dili 10 de Marsu 2026 (Media Democracia)- Sekretária de Estado da Igualdade (SEI) hala’o enkrontru dahuluk tinan 2026 kona-ba rede referal no advokasia Timor Leste.
Tuir Diretér Geral Sekretária de Estado da Igualdade (SEI) Armando da Costa Hateten rede referal ne’e hanesan mekanizmu koordenasaun servisu hamutuk ho parseiru sira kona-ba kontra violensia bazeia ba jeneru iha timor leste.
“Ohin Sekretaria Estadu Igualdade (SEI) hamutuk ho membru hotu husi rede referal ba advokasia organiza enkontru rede referal da-uluk tinan 2026, enkontru rede referal ne’e hanesan mekanizmu koordenasaun servisu ida entre parseiru hotu ne’ebé servisu ba kontra violensia bazeia ba jeneru iha Timor-Leste tau hamutuk hanoin ho nia rekursu liu-liu atu hare’e kona-ba situasaun ka problema sira ne’ebé SEI rasik hasoru no diskute nia solusaun” Dehan Diretór Geral Sekretária de Estado da Igualdade (SEI) Armando da Costa
Diretór Geral Sekretária de Estado da Igualdade (SEI) ne’e mós informa iha tinan 2025 SEI rejista kazu hamutuk 1.182 ne’e ba kazu volencia domestika nune’e mós ita iha kazu abuzu seksual hamutuk 249 iha fim do ano tinan 2025 no iha tinan ne’e SEI iha hela prosesu halibur dadus ba kazu ne’ebé akontese husi ita nia parseiru implementadór, kazu ne’e hotu mai husi ita nia pontu fokál ne’ebé maka polisia sira rekolla no lori to’o iha tribunal SEI
Sorin seluk Diretór Nacional Politika Igualdade Generu Abilio Barreto hatutan, atu kompleta relatoriu 2024 no 2025, SEI halo workshop hodi konvida parseiru nasional no sosiedade sivil sira hodi partisipa.
“ Iha situasaun ne’e iha prosesu hela halibur dadus oinsa atu kompleta relatoriu tinan 2024 no 2025 planu asaun nacional violensia bazeia ba jeneru kuaze iha fulan rua liu ba no SEI halo workshop ida konvida parseiru nacional no sosiedade sivil sira oinsa mak atu hanoin hamutuk kona-ba mekanizmu ne’ebé diak para oinsa mak bele kontribui ba dezenvolve relatoriu ne’ebé sei haruka ba iha konsellu ministru no mós ba iha parlamentu nacional.” Dehan Diretor Abilio Barreto
Diretór Nacional Politika Igualdade Generu salienta tan Objetivu prinsipal ne’e laos deit atu hakerek relatoriu ne’e maibe atu sukat rezultadu implementasaun husi Planu Asaun Nacional (PAN) ne’ebé mandatu kuaze da-tolu ona hahu husi faze primeiru segundu no terseiru iha sasukat ne’ebé mak agora dadaun atual aranka ho planu asaun nacional (PAN).
Entretantu mandatu datoluk ne’e kuaze 33% feto no labarik feto hela ho violencia ne’e hatudu katak violensia bazeia ba jeneru, violensia domestika no violensia kontra feto no labarik feto iha Timor Leste sei aas.
Reportajem: Estajiadu Marito
Foto: Marito.