Dili, 01 Abril 2026 (Média Democracia) – Hafoin konferensia imprensa kona-ba loron paskua nian Dom Virgílio Cardeal do Carmo da Silva apela ba sarani sira katak, Abortus ne’e sala Pekadu Mortal.
Dom Virgílio Cardeal do Carmo da Silva hateten, Paskua koalia kona-ba moris kulturál ne’ebé kontra, kultura mate ninian mak violénsia, no kultura ida mak abortus.
“Ida ne’e laos atu hanorin foun ida, maibé atu fó hanoin nafatin ba sarani sira hotu atu iha ita nia domin ida ne’eba moris, tanba abortus ne’e hanesan hasai ema ida nia vida, Laiha ema ida ne’ebé iha autoridade kompetensia atu hasai ema ida nia vida, vida ne’e maromak mak fó liu husi domin, fo liuhusi ita ema atu moris, nune’e ita laiha autoridade atu hasai ema nia moris.” Dehan Dom Virgílio Cardeal do Carmo da Silva iha Arquidiocese de Dili, Lecidere
Dom Virgílio Cardeal do Carmo da Silva hatutan tan katak, apela nafatin ba sarani sira abortus ne’e Pekadu Mortal, nune’e husu ba sarani sira labele halo tan abortus.
“Sarani no povu ida ne’e maioria katolika, tanba ne’e duni mak liuhusi materia relijiaun dalan ida ne’ebé konferensia Piscopal buka hodi lori material relijiaun ne’e ba eskola hotu-hotu, nomos iha Diocese tolu ne’ebe iha Timor-Leste, iha idak-idak nia maneira rasik maibé iha Diocese Dili ita ekipa ida naran Ekipa Familia ninian, sira ne’e tama sai eskola hodi hanorin no oinsa atu promove ajuda joven sira komprende di’ak liután kona–ba hadomi vida liuliu artifisial ba abortus nia, maibe liuhusi natural.”Afirma Dom Virgílio Cardeal do Carmo da Silva
Dom Virgílio esklare liután, iha Munisipiu Dili sira tulun hodi tama sai eskola hanorin joven sira oinsa atu konese sira nia aan no koñese mós sira moris nu’udar ema feto no mane, dalan ida ne’ebé sira bele hatene responsabilidade sira nian-aan nu’udar prezente ne’ebé maromak fó. Igreja halo no hanorin maske ida ne’e dezafiu boot, maibé tenki kontinua halo. Nafatin husu ba Inan-Aman sira atu hatene enkoraja oan sira momentu sira difisil, hodi atu hatudu lolos ba oan sira atu foti desizaun.
Reportajen : Tomas
Foto : Tomas