Dili, 09 Abril 2026 (Media Democracia)- Organizasaun naun-governamental HABADA, ne’ebé tau matan ba governasaun polisia no seguransa humanu iha Timor-Leste, liu husi meius ida ne’ebé denunsia públikamente kona-ba ilegalidade grave iha prosesu nomeasaun ba komandante-jeral 2.a Komandante-Jeral Polisia Nasional de Timor-Leste (PNTL) ne’ebé akontese iha final fulan Marsu tinan 2026.
Prezidente Ezekutivu Oraganizasaun Naun-Governamental Hali ba Dame (HABADA), Abel Marçal hatete iha loron 25 fulan Marsu tinan 2026 Kosellu Ministru aprezenta proposta ida kona-ba nomeasaun kargu aas iha Instituisaun PNTL nian.
“Iha loron 25 fulan Marsu tinan 2026, Ministru Interior aprezenta ba Konsellu Ministru proposta ida kona-ba nomeasaun kargu a’as liu iha Instituisaun PNTL nian. Iha loron ne’ebé hanesan, liu husi resolusaun governu N.° 13/2026, Komisáriu-asistente Afonso dos Santos hetan nomeasaun nu’udar Komandante-Jeral no Komisária Asisten Natércia Eufrásia Soares Martins hetan nomeasaun nu’udar 2, Komandante-Jeral. Sira nain rua nia nomeasaun la-ho promosaun ka mantein iha postu komisáriu asisten no simu ona pose iha loron 27 fulan marsu tinan 2026.” Dehan prezidenta HABADA Abel Marçal
Nia mos haktuir tan katak Konsidera governu nia desizaun ida ne’e materialmente sala/ errada, legalmente la sustentável, no hakiduk ida iha prosionalizasaun PNTL nian, hodi kria presidente perigoju ba suversaun ierarkia no legalidade Demokratikaù Violasaun direta ba dekretu-Lei n.° 35/2024
“Nomeasaun ba ofisiais dirijente sira ho Postu Komisáriu Asistente ba kargu Komandante-Jeral no 2. Komandante-Jeral konstitui violasaun direta no klaru ba estatutu polísia nian (Dekretu-Lei N.° 35/2024). Artigu 44, 45, no 46 husi dekretu ne’ebé temi ona estabelese katak ezersísiu husi funsaun sira komandu no diresaun nian presupoin ierarkia funsional ida ne’ebé kompativel ho ierarkia postu sira, no bandu espresamente ofisiais polísia sira labele hetan nomeasaun ba pozisaun ne’ebé koresponde ba postu ida ne’ebé inferior ka ki’ik liu, nomós sira labele sai subordinadu ba sira seluk ho postu no antiguidade ki’ik liu. Grave liu tan maka violasaun ba artigu 127. Komandante-jeral tenki ho postu komisáriu. Dehan Abel Marçal
Nomeia komisáriu-Asisten na’in-rua, ba kargu Komandante-Jeral no 2. Komandante-Jeral Governu abertamente ignora lei. Presiza nota katak oras ne’e dadaun iha ofisias dirijente sira ne’ebé sei ativu iha PNTL ho Postu Komisáriu Jeral na’in-ida no Postu Komisáriu na’in-haat – hotu-hotu ho antiguidade superior – ne’ebe agora subordinadu ba Komandante-Jeral ne’ebé ho Postu ki’ik liu (komisariu- Asistente).
Prezidente ezekutivu rekomenda ba Sua-exelénsia Prezidente Repúblika, Sua-Exelénsia Primeiru-Ministru no Ministru Interior, atu halo revizaun ba desizaun ne’ebé foti ona, hodi promove nomeasaun ida ne’ebé ho eskluzivu respeita estatutu Polísia nian, nomeia ofisiais direjente ho Postu Komisáriu-Jeral ba kargu Komandante-Jeral no nomeia ofisiais direjente ho Postu Pomisáriu ba kargu 2. Komandante-Jeral PNTL nian, tuir lei haruka.
Reportajem : Nélia no Estajiada Bakhita
Foto : Nélia