Dili, 09 Abríl 2026 (Media Democracia)- Akontese insidente ba membru PNTL feto ida no naran inisiál ODS nu’udar fen, ne’ebé hetan baku no agresaun fíziku husi nia laen ho inisiál VC.
Akontesimentu ne’e akontese hale’u tuku 10.00 Otl dader kinta ne’e loron 09/04/2026 iha esifísiu Kuartel Jerál PNTL Caicoli, vítima nu’udar membru PNTL ho diviza Inspetora Asistente.
Tuir informasaun ne’ebé jornalista asesu liuhusi fontes anonimu balun ne’ebé la fó naran haktuir, Kazu ne’e akontese, hafoin suspeitu to’o iha Kuartel Jerál PNTL no hakat liu ba vítima nia kna’ar fatin iha Departamentu Aprovizionamentu hodi halo agresaun fízika ba nia fen ODS.
Suspeitu VC nia prezensa iha Komandu Jerál PNTL ho karreta marka Honda Fit kinor ho sapa matríkula A 27.138.
Vitimá nu’udar membru PNTL ho diviza Inspetora asistente ho naran insial ODS hala’o hela kna’ar iha Departamentu Aprovizionamentu Komandu Jerál PNTL Caicoli.
Relasiona ho kazu ne’ebé akontese, Diresaun Servisu Investigasaun Kriminál (DSIK) lori kedas suspeitu ho vítima ba Unidade Pesoál Vulneral (VPU-sigla ingles) hodi halo identifikasaun no Investigasaun,
Enkuantu kazu ne’e rasik rejista ona ho NUC: 0128/26-PNSIK.
Embora, Krime maus-trato ka violénsia doméstika iha Timor-Leste krime grave ida ne’ebé fó kastigu prizaun tuir Kódigu Penál (Artigu 154°, 155°, 156°) no Lei Kontra Violénsia Doméstika (Lei 7/2010). Ida-ne’e inklui violénsia fízika, psikolójika, seksuál, no ekonómika iha agregadu familiár, no polisiál sira iha obrigasaun atu fó protesaun ba vítima.
Entretantu, fatin akontese iha Munisipiu Dili, Postu-Administrativu Vera-Cruz, Suku Caicoli, Aldeia Rumbia, Lokal Akontese iha edifisiu Departementu Aprovizionamentu Kuarte-Jeral PNTL laran.
Pontu Xave husi Kódigu Penál no Lei Relasionadu mak:
Definisaun: Maus-trato inklui violénsia fízika, ameasa, no violénsia kounjúgal (feto ka mane).
Kastigu: Tuir Artigu 154° Kódigu Penál nian, violénsia doméstika bele rezulta iha prizaun tinan 1 to’o 5, dependente ba gravidade.
Protesaun Vítima: Lei Kontra Violénsia Doméstika (Lei 7/2010) garante apoiu médiku, jurídiku, no seguransa ba vítima.
Krime Públiku: Violénsia doméstika konsidera hanesan krime públiku, katak estadu sei prosesa maske vítima hasai keixa.
Reportajen : Estefania Cardoso
Foto : Estefania Cardoso