Dili, 10 Abríl 2026 (Media Democracia)- Polísia Nasionál Timor-Leste (PNTL), liuhusi Servisu Investigasaun Kriminál apoiu Komandu Baucau hodi ezekuta mandadu Tribunál Judisiál Primeira Instánsia Baucau hodi detein suspeitu AFB ne’ebé halo krime violasaun Seksuál hasoru vítima RdS iha Suku Uailili, Postu-Administrativu Baucau Vila, Munisípiu Baucau iha tinan 2020.
PNTL ezekuta mandadu judisiál ho númeru 0006/20.BCBCV hodi husi PNTL halo detensaun ba arguidu ho insial AFB hodi Lori ba estabelesimentu Prizionál Becora hodi kumpre nia pena tinan ualu (8) iha Prizaun.
AFB nu’udar kondenadu ba krime violasaun seksuál ne’ebé previstu iha artigu 172 no mós komete krime autoria ne’ebé previstu no punidu iha artigu 30 husi Kódigu Penál Timor-Leste.
Nune’e iha Kinta (9/4) horseik tuku 08:00 dader Servisu Investigasaun Servisu Investigasaun Munispiu Baucau apoiu husi Servisu Investigasaun Kriminál Nasionál ezekutiva mandadu Tribunál Judisiál Primeira Instánsia Baucau hodi buka tuir kedan kondenadu AFB.
Iha operasaun ne’e Servisu Investigasaun Kriminál lokaliza kondenadu nia fatin iha Aldeia Rumbia Suku Caicoli Postu -Administrativu Vera-Cruz Munispiu Dili hodi tau kedan aljelma (borgol) iha liman.
Hafoin Servisu Investigasaun Kriminál halo tau tiha aljelma ba kondenadu AFB nia lima lori kedan ba iha edifisiu Servisu Investigasaun Kriminál Nasionál hodi sertifika kedan arguidu molok lori ba Estabelesimentu Prizaun Bekora hodi kumpre nia pena tinan ualu iha prizaun.
Hafoin halo tiha sertifika ba kondenadu AFB Servisu Investigasaun Kriminál Nasionál no Servisu Investigasaun Baucau inklui Guarda Prizionál lori kedan kondenadu ba iha prizaun Becora hodi kumpre nia pena.
Diretór Servisu Investigasaun Kriminál Superintendente Xefe Polísia João Belo dos Reis hateten, horseik ita apoiu Komandu Munisipiu Baucau parte investigasaun hodi detein sidadaun balun.
“Hau seidauk hatene detallu, ha’u seidauk bele publika ba maluk sira iha dadersan ida nee”, Joao Belo hateten ba jornalista sira iha nia kna’ar fatin Caicoli sesta ohin.
Hafoin halo tiha sertifika ba kondenadu AFB Servisu Investigasaun Kriminál Nasionál no Servisu Investigasaun Baucau inklui Guarda Prizionál lori kedan kondenadu ba iha prizaun Becora hodi kumpre nia pena.
Reportajen : Estefania Cardoso
Foto : Estefania Cardoso