Dili, 27 Abril 2026 (Media Democracia)- Tribunál Judisiál Primeira Instánsia Baucau (TJIPB) hasai despaixu fa’an ikan tonelada sia (9) ne’ebé nu’udar objetu apreendidu ne’ebé UPM halo apreensaun husi peskadór ilegál Indonéziu na’in 32 iha área tasi mane zona Com Lautem Sesta (18/4) foin lalais ne’e.
Tuir Komandante Unidade Polisia Máritima (UPM) Superintendente Xefe Polísia Eugénio Pereira, hateten,Tribunál Baucau hasai despaixu hodi halo venda preventiva ba objetivu sira ne’e, tanba bazeia ba pedidu Komandu Munisípiu Lautem liuhusi Ministériu Públiku Baucau nian atu prevene objetu hodi labele hetan estragus.
“Tanba ne’e Tribunál Baukau aseita Komandu PNTL Munisípiu Lautem no Ministeriu Públiku nian hodi faan tiha objetu apreendidu sira ne’e ba komunidade ne’e, objetivu sira ne’e labele hetan estragu, venda preventiva nia ne’e ho ninian intensaun oinsá mak atu bele faan sasán sira ne’e (ikan) nian intensaun ne’e atu prevene liu ba iha estragus.” Dehan Komandante UPM Eugénio Pereir ba Jornalista sira iha Komandu Jerál PNTL Caicoli segunda ne’e.
Nia esplika, momentu ekipa konjuta halo apreensaun ba Ró ne’e ho prova Tripulante sira la loke Jerádór hodi rai ikan nune’e objetu sira ne’e atu estraga ho situasaun ne’ebé ikan komesa iis dadaun ona,
“Entaun bele ameasa ba iha objetu ne’e rasik, tanba ne’e mak ho situasaun ne’e, Komandu Unidade Polisia Máritima liuhusi Postu-Com hamutuk ho Komandu Munisípiu Lautem aprezenta ba Ministeriu Públiku ho situasaun sira ne’e, halo promosaun ba Tribunál hodi halo despaixu, nune’e infelizmente Tribunál halo duni despaixu vende preventiva ba objetu ne’e hodi prevene husi estragus.”Nia haktuir.
Komandu Munisípiu Lautem hamutuk ho UPM Postu Com fa’an ona halo lelaun sira ne’e ba komunidade Lautem no osan sira husi venda preventiva sei enkamiña ba kofre Estadu.
Alende ne’e Komandante Eugénio hateten, Ro ne’ebé Tripulante sira uza hodi halo peska no ilegál agora UPM lori mai ona hodi atraka iha Kuartel Polísia Marítima Seonál.
Komandante Eugénio Pereira hateten, momentu Unidade Polísia Maritima ho nia parseiru servisu sira halo apreensaun ba ro ne’e tanba halo hela atividade peska no ilegál iha tasi kosta súl área Com nian tanba tuda hela rede peskas iha area referida nune’e autoridade seguransa ba halo apreensaun.
Nia dehan, evidénsia sira iha Ró ne’e mak rede peskas no laiha tan buat seluk.
Reportajen : Estefania Cardoso
Foto : Estefania Cardoso