Dili 2/05/2026 Media Democracia- Sekretariu Estadu Formasaun Profisional no Empregu (SEFOPE), hatoo ona proposta ba Konsellu Ministru (KM), atu halo diskusaun no revizaun ba salariu minumu $115.00 atu hasa’e ba $154.00
Tuir Sekretariu Estadu Formasaun Profisional no Empregu (SEFOPE), Rogerio Araujo Mendonça, hatete parte preparasaun ba salariu minimu liuliu halo revizaun ba salariu $115.00 hodi bele muda fali ba montante ne’ebé maka bele kondis ho situasaun ida agora nian.
“Ita haree katak salariu $115.00 ne’e nia tinan sanulu resin haat ona (14) ona, tuir matadalan Kosellu Nasional Traballu (CNT), nian kada tinan rua ita halo revizaun ba iha salariu minimu ne’e rasik, entaun iha tinan 2025 ita lori ona proposta ida ne’e ba iha Konsellu Ministru liuliu atu halo revizaun ba iha salariu minimu hodi hasa’e ba iha nominal sira ne’ebé maka relasaun ho merkadu atual agora iha ne’e. Iha tempu ne’eba ami propoint ho $150.00 maibe parte husi Konsellu Ministru fó rekomendasaun mai iha Sefope ho Konsellu Nasionál Traballu katak presiza halo fila fali konsultasaun ho liña ministeriu sira mak hanesan hanesan Veteranus, Ministeriu Finansas hodi haree kona-ba impaktu bainhira se ita hasa’e salariu ne’e nia fó impaktu inflaksaun iha ita nia rai larak ka lae”. Dehan Sekretariu Estadu Formasaun Profisional no Empregu (SEFOPE), Rogerio Araujo, iha Centru Convesão Dili, 30/04/2026
Nia afirma lei ba iha pensaun veteranus ne’e ketak, lei ida ba salariu minimu nian ne’e ketak, salariu minimu ne’e regula de’it ba iha traballador sira ne’ebé maka ser privadu sira emprega tanba halo ona esplikasaun ba iha veteranus, veteranus aseita hatete katak SEFOPE ho CNT lori proposta ne’e ba iha konsellu Ministru, no parte veteranus mós fó apoiu 100%.
‘’Iha parte Ministeriu Finansa liu husi Diresaun estatistika ho Macroekonomia ninia rekomendasaun katak, mai ho valor $154.00 ha’u hanoin ida ne’e sira halo ona analiza katak sira haree ona estudu sira ne’ebé mak hahu husi tinan 2012 to’o mai agora ne’e sira hatete katak laiha influensia bainhira ita hasa’e salariu minimu ne’e ba iha $154.00 ne’e laiha inflasaun boot ba iha ita nia rai laran. Entaun ida ne’e maka parte SEFOPE ho CNT prepara ona lei refere submete ona ba iha MCAE espera katak iha semana oin, bainhira Primeiru Ministru fila husi viajen bele le’e no bele hetan aprovasaun iha Konsellu Ministru no mós husi ida ne’e ita bele divulga ona ba iha públiku. Nia Dehan
Nia hateten tan Sekretariu Estadu Formasaun Profisional no Empregu (SEFOPE) empregu garante tebtebes traballadores sira nia direitu kuandu haree katak parte empregador ho ema sira ida ne’ebé maka fó servisu ba iha sira nia traballadores hodi uza fila fali ba iha metodu ida ne’ebé maka hanesan selu, fo konfesasaun ba fila fali ba nia traballadores.
Reportajen : Juliana/ Leozaalia/ Estajiadu
Foto: Juliana