Dili, 21 Maiu 2026 (Media Democracia)- Vise Primeiru Ministru no Ministru Defeza Austrália, Honorable Richard Marles halo vizita kortezia iha Ministériu Defeza hafoin partisipa serimónia hasa’e bandeira 20 de Maiu iha Tasi III.
Tuir Ministru Defeza Kontra Almirante “Pedro Klamar Fuirk” hateten tanba Australia ho Timor-Leste iha relasaun de amizade ida muintu forte iha kooperasaun.
Tanba Australia ho Timor-Leste iha relasaun amizade ida ne’ebé forte liu iha kooperasaun no iha área barak inkluzivamente koperasoes área Defeza, Iha momentu ida nee ami deskote formas oinsá mak atu bele hamentin di’ak liután ita-nia relasaun iha ámbitu kooperasaun no ami mos konkorda ona, sei asina akordu bilateral ida entre Timor-Leste no sei dezenvolve akordu ne’e ba iha futuru.” Ministru Defeza Kontra Almirante “Pedro Klamar Fuirk” ba jornalista sira iha Ministériu Defeza Fatuhada Dili, Kuarta ne’e (20/05/26).
Nia dehan, vizita Vise Primeriu Ministériu mai iha ne’e hodi ko’alia kona-ba atu estabelese akordu hodi hamentin liután formatu sira seluk ne’ebé halo nasaun rua besik malu liután atu nune’e bele depende ka iha interese hodi servisu hamutuk.
Iha fatin hanesan, Vice Primeiru-Ministru no Ministru Defeza Austrália, Honorable Richard Marles, Sente honoradu bele hasoru malu iha momentu ne’e, hodi nasaun rua iha domin boot ba malu, nune’e mós nasaun vizinu bele fahe interese ba malu.
“Ita-nia diskusaun ohin ne’e marka pozitivu tebes, depois ita haree asuntu seluk tan liuliu kona-ba akordu defeza nia, ne’ebé mak antes ne’e mós ita hala’o hotu ona.” Dehan Vice Primeriu Ministru Australia Honorable Richard Marles.
Iha sorumutuk ne’e Richard Marles dehan, Ida ne’e pasu pozitivu tebes ne’ebé parte rua sei esforsu hodi realiza iha mandatu sira ne’e.
Liuhusi asina akordu ne’ebé sei mai Australia optimista tebes atu realiza servisu sira liga ba área defeza nia iha parte rua.
Reportájen: Estefánia Cardoso
Foto: Média Ofisiál Ministériu Defeza