Díli 28 Maiu 2026 (Media Democracia)-Organizadór Liga Timorense realiza konferénsia imprensa hodi anunsia jogu dahuluk ba époka divizaun segundu, ne’ebé sei halibur ekipa haat (4), mak sei halo abertura, Lica Lica Lemorai FC sei hasoru Hibers Dili VC, enkuantu jogu seluk sei halibur Nagardjo FC ho As Ponta Leste.
Tuir treinadór husi Lica Lica Lemorai, Tomzo Madeira hateten prontu kompete hodi hatudu jogu ne’ebé di’ak.
“Ami nia preparasaun minimu maibé ami prontu ona atu kompete, ha’u fiar katak ha’u nia Jogadór sira se’i hatudu jogu ne’ebé mak di’ak no se’i fó resultadu di’ak “Hateten Treinador Lica lica Lemorai iha Estadion Dili (26/05/2026).
Treinadór husi Lica Lica Lemorai afirma tan katak klubu hotu-hotu mai ho interese hakarak atu menan.
“Hau hanoin klubu hotu hotu mai ho interese hakarak atu menan maibé ba Lica Lica menan ka lakon se’i iha 90 minutus ne’e ita nian se bainhira arbitu 90 minutus ne’e lian ona ne’e siknifika Lica Lica Lemorai lakon maibe se’i iha kompetisaun nia laran Lica Lica seida’uk lakon”Afirma Tomzo
Aleinde ne’e treinadór Nagardjo Nataniel de Jesus reis afirma jogadór ne’ebe mak prepara no sei uza tan jogadór na’in tolu husi Indonesia.
“Jogadór antes nian ne’e ami uza nafatin balun foun no na’in tolu husi estranjeiru husi nasaun Indonésia ne’ebé husi materia jogadór ne’e ha’u fiar katak ba jogu ida aban ha’u nia jogadór sira se’i foti 3 pontu. Sempre akontese iha tinan kotuk ko’alia kona-ba Nagardjo beibeik ona husi 2017 kedas, ami atu pasa ba divisi 1 la konsege maibé ba tinan ida ne’e ami esforsu makas atu hakat ba divisi 1” Hateten Nataniel
Alende Organizadór Liga Timorense hala’o konferénsia imprensa hodi anunsia jogu dahuluk ba époka segunda divizaun. Iha jogu dahuluk ne’e, ekipa haat sei kompete: Lica Lica Lemorai FC hasoru Hibers Dili Fc, no Nagardjo FC hasoru As Ponta Leste..
Reportajen: Novita/Baquita
Foto Baquita