Dili, 08 Juñu 2026 (Media Democracia)- Polísia Nasional Timor-Leste Komandu Munisípiu Dili simu ona informasaun kona-ba akontesimentu ne’ebé akontese iha Pantai Kelapa horkalan ne’ebé rezulta sidadaun feto ida lakon vida.
Matebian naran kompletu Nadine Batista R.D. Carmo ho idade 15 no vítima seluk ne’ebé dadaun ne’e baixa iha Hospital Nasional Guido Valadares (HNGV), naran Agile do Carmo ho odade 21, ne’ebé mak vítima konduz motor ho númeru martikula y-5539, ne’ebé akontesimentu ne’e akontese haleu tuku 19.00 kalan Otl.
Tuir Segundu Komandante PNTL Munisípiu Dili, Superintendente Xefe Polísia Luis da Silva relata, horkalan akontese kazu ida iha área Pantai Kelapa iha ne’ebé na’ok-ten hadau ema-nia telefone.
“Sim horklan kazu ida iha pante kelepa na’ok-ten sira konsege hadaun telefone entaun sira duni tuir depois vitima sira hetan asidente soke entaun konsege ida iha kotuk maten fatin, entaun horikalan kedas ita orienta lori ba kedas mortuario HNGV.” Dehan Segundu Komandante PNTL Munisípiu Dili ba jornalista sira iha Eskola FINANTIL segunda ne’e
Luis informa, dadaun ne’e PNTL sei buka tuir hela autór ne’ebé deskonfia ba kazu refere.
“Autor sira ne’ebé mak deskonfia envolve iha laran ami sei buka tuir no prosesu sei entrega ba Ministériu Públiku.” Dehan Nia
Nia afirma, ba kazu ne’e rasik PNTL sei ajuda buka tuir CCTV ne’ebé lokaliza iha área akontesimentu nune’e bele buka tuir autór sira.
“Suspeitu sira seida’uk indentifika tanba horiklan akontese kalan boot, maibé ita espera katak apoiu husi CCTV sei kontinua buka tuir suspeitu sira.” Nia adianta
Dadaun ne’e mate isin atu intrega ba familia.
Segundu Komandante Munisípiu Dili informa katak, Dili laran na’ok-ten na’ok ema-nia motor ho sasan barak tebes no sira iha modus operandu ne’ebé uza halo asaun.
“Kuandu sira na’ok ema nia motor depois motor ne’ebé sira na’ok bele mosu iha lospalos ou Maliana, depois moduk nee motor ne’ebé sira na’ok nee troka fali motor seluk nia mesin entaun ida nee difikulta tebes atu hetan maibé polisia tenta nafatin buka no polisia sira servisu hamutuk ho komandu Munisipiu sira konsege barak mak ita hetan.” Nia dehan
Nia haktuir, Na’ok-ten sira barak mak ho idade menoridade tanba ne’e polítika komandu no Governu nian halo sensabilizasaun ba labarik minoridade sira no tenke hado’ok aan husi hahalok ida na’ok.
Nia esplika katak, desizaun to’o iha tribunal liberta sira, tanba Lei labarik minoridade seida’uk too idade 17 labele prosesu kastigu.
Reportajen : Estefania Cardoso
Foto : Estefania Cardoso