Díli, 9 Juñu 2026 (Media Democracia) – Portugal no Timor-Leste reforça ninia kooperasaun Bilateral iha área estratéjiku sira, inklui edukasaun, reforma estadu, digitalizasaun no patrimóniu sira.
Tuir Prezidente do Camões I.P, Florbela Paraiba hateten iha enkontru ne’e, parte diskute espesialmente promosaun lian Portugés iha Timor-Leste.
“Aleinde ne’e kontinua suporta liu husi Eskola Portugés iha Díli, rede Sentru Edukasaun descentralizada sira (CAFE), nune’e mós Ensinu Superior Universitáriu no Politékniku, sira iha Portugal hakarak iha oportunidade atu mai vizita Universidade Nasionál Timor Loro sa’e, (UNTL), diskusaun ne’e mós aborda área responsabilidade Ministériu Administrasaun Estadu, hanesan digitalizasaun, reforma estadu no modernizasaun Administrasaun Públika,” Dehan Prezidente do Camões, Florbela Paraiba iha Edifísiu MAE, Caicoli (9/6/2026)
Prezidente ne’e mos afirma enkontru ne’e prodútivu no hametin kompromisu atu kontinua halo serbisu hamutuk iha área estratéjiku no transversál sira.
“Iha kontekstu ida ne’e, mós reafirma importánsia promosaun lian Portugés, ne’ebé mak lian ofisiál iha Timor-Leste no parte importante iha Komunidade Países de Língua Portuguesa (CPLP), nune’e mós iha prosesu integrasaun Timor-Leste iha ASEAN,” Nia subliña
Iha finál enkontru, parte sira hato’o obrigadu ba disponibilidade no kompromisu atu kontinua hametin relasaun kooperasaun entre país rua.
Reportajen :Leozalia Oliveira
Foto :Juliana