Dili 13 Juñu 2026 (Media Democracia)- Madre Canosiana FDCC, edukasaun ba labarik sira nian iha Timor-Leste hanesan responsabilidade kolektiva husi inan-aman, eskola, igreja no Estadu, Madre konsidera dala barak failansu edukasaun hahú husi uma laran.
Madre Guilhermina Marçal FDCC hateten Edukasaun adekuadu mak eduka labarik sira atu respeitu sira nia aan no respeitu mós ba ema seluk
“Ita nia objetivu mak eduka ema, tanba Timor rai sarani 96% Katólika, maibé liberdade ne’ebé ita uza dala barak sai liberdade, liberdade mak haketak an husi valór no prinsípiu, ne’e la fó benefísiu ba futuru, hanesan sarani no sidadaun, ita haree iha fatin hotu-hotu respeitu malu laiha, ema tolok malu iha media sosiál, ita presiza lei ida atu fó atensaun katak ko’alia kona-ba ema seluk nia naran tenke ho responsabilidade no dignidade,”Dehan Madre Guilhermina FDCC ba jornalista iha Salaun São Jose (12/06/2026)
Nia informa Relasiona ho labarik minoridade ne’ebé envolve krime, lei labele fó dalan ba kadeia, maibé ita tenke pergunta tanbasá mak labarik ne’e tenke halo krime.
“husi parte piskolojia ita bele dehan katak falta atensaun husi inan-aman, eskola, ka sosiedade, se labarik ki’ik laiha buat ne’ebé presiza, dalaruma falta buat ne’ebe presiza tebes entaun dalan barak mak nia ba ransu maluk no halo buat ne’ebé la di’ak, nune’e ikus nia rasik sai vitima no arguidu/arguida” nia esplika
Nia mós lamenta katak iha Timor grupu arte balu uza sala naran arte hodi halo hahalok la di’ak no falta respeitu.
“Husu ba inan-aman atu la’ós hanorin de’it labarik sira atu lee no hakerek, maibé tenke forma no eduka labarik sai ema ne’ebé lolos, husu mos ba manorin sira tenke servisu hamutuk ho inan-aman hodi haree ba futuru labarik sira nian, edukasaun moral no kultural mak importante liu atu hatudu katak labarik no joven sira mak ema ba futuru,” Nia fohanoin
Madre Guilhermina husu ba Estadu atu tau lei ida ne’ebé fó tutela ba dignidade sidadaun nian, liu-liu iha media sosiál
Reportajen: Juliana
Foto:Baquita