Dili, 27 Juñu 2026 (Media Democracia)- Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIC- sigla portugues), sobu atividade ilísitu Schem call centre iha Tibar Postu Administrativu Bazartete Munisípiu Liquiça.
Prezensa Diresaun Servisu Investigasaun Kriminál iha fatin akontesimentu, tanba hetan informasaun liuhusi nia pesoal informandu ne’ebé destaka iha fatin referida, katak iha otel ida besik rontunda Tibar suspetadu halo ona atividade ilisitu scam call centre hodi habosok ema desde fulan Janeiru tinan ne’e.
Tanba ne’e iha sesta (26/6) haleu tuku 08:30 DSIK halo kedas operasaun ba fatin referida hodi detein suspeitu nain 61 nu’udar sidadaun Indonézia ho fraglante delitu, tanba bainhira polísia halo operasaun suspeitu sira halo hela atividade ilisitu scheming online.
Diretór Diresaun Servisu Investigasaun Kriminál, Superintendente Xefe Polísia João Belo dos Reis hatete, porvolta tuku 8:00 resin hetan informasaun husi informadór sira ne’ebé lansa iha Tibar katak deskonfia iha atividade ne’ebé halai ba iha scham call center ka (bahasa Indonézia dehan pusat penipuan online), ka hatete karik fatin ne’ebé lansa bosok ema.
“Ho nune’e ekipa husi Diresaun Servisu Nasionál Investasaun Kriminál nian tun iha fatin ne’ebá, ita deskonfia duni iha movimentu ruma ne’ebé ke ita presiza deskonfia.Tanba ne’e mak ami halo intervensaun ba fatin ne’ebá iha fraglante delitu. Ita tun ita hetan sidadaun Indonézia nain- 61 iha kuartu ida halo hela sira-nia atividade hensan ne’e calling center ka penipuan ba sidadaun sira ita bele inklui ita nian iha fatin ne’ebá.” Dehan Diretór DSIK João Belo ba jornalista iha kuartel jerál PNTL Caicoli sesta ne’e (26/06)
Dadaun ne’e, sidadaun Indonézia nain-61 agora transporta ona mai iha Diresaun Servisu Investigasaun Kriminál Komandu Jerál PNTL atu halo identifiksaun no investigasaun.
“Ita kaptura kedas sidadaun-61, kompostu husi feton- 17, mane-44 ne’ebé agora dadaun ita lori sira mai iha kuartel jerál iha diresaun nasionál servisu Investigasaun kriminál para halo identifikasaun hodi halo separasaun ida ne’ebe mak mai hanesan vitima sira ne’ebé mak sente ema mai iha ne’e bosok sira, ita bele konsidera hanesan trafiku umanu balun ne’ebé mak sai hanesan operador balun ne’ebé mak hanesan fasilitador lori ema sira ne’e mai.” Diretór DSIK haktuir
Porta Voz PNTL ne’e informa katak, entre suspeitu sira ne’e, na’in hitu mai husi Kambodia inklui sira-nia patraun hanesan autór prinsipál halo atividade ne’e, suspeitu na’in hitu ne’e nu’udar rede scaming husi Kambodia, bainhira rede (scaming) sobu iha ne’eba sira hala’o tama mai iha ne’e.
“Tuir informasaun ne’ebé mak foin hetan, balun mai fulan rua ona, balun mai tolu ona no balun mai fulan haat ne’ebé deskonfia sira halo atividade ne’e hahu fulan Janeiru ou fevereiru ne’ebá tinan ida ne’e.” Dehan João Belo
Superintendente Xefe Polísia ne’e afirma, evidénsia ekipa Diresaun Servisu Investigasaun Kriminál foti iha lokál krime rede hanesan ESTARLINK, telefone, laptop inklui sasan seluk ne’ebé iha relasaun ba sira-nia atividade ne’e no dadaun ne’e polísia lori hotu ba iha Kuartel Jerál PNTL hodi halo identifikasaun.
“Inklui Pasaporte 66 tanba suspeitu sira balun halai lakon tiha bainhira polísia atu sobu, Dadaun ne’e halo hela identifikasaun ba sira, halo hela Investigasaun ba sira ne’ebé mak agora dadaun maluk sira haree iha li’ur neeba.” Nia adianta
Nune’e, Diretor Servisu Investigasaun Kriminál, Superintendente Xefe Polísia ne’e husu ba Xefe Suku sira, Xefe Aldeia sira no Xefe joventude sira atu identifika tan asaun sira hanesan ne’e iha sira nia bairu laran, halo favór kontaktu polísia hodi halo intervensaun.
Embora, suspeitu sira ne’e nu’udar rede ba aktividade scaming online iha Oe-Cusse.
“Ne’e hanesan, iha Oe-Cusse hanesan nia operasaun ne’e modelu hanesan.” João Belo dos Reis hakotu.
Entretantolu, Kazu ne’e rasik Diresaun Servisu Investigasaun Kriminál rejista ho NUC: 0227/26.PNSIK ho tipu krime jogu ilísitu Tibar.
Reportaje :Estefania Cardoso
Foto : Estefania Cardoso