Metinaro, 27 Juñu 2026 (Media Democracia) – Ekipa Media Democracia observa katak serimónia funeral estadu ba saudozu Francisco Guterres “Lú-Olo” iha Jardim Heróis Metinaro hala’o ho dignidade no respeitu aas. Milhares husi sidadaun, lideransa Estadu, membru governu, deputadu, diplomata, membru F-FDTL, PNTL, militante FRETILIN no komunidade husi fatin oioin marka prezensa hodi fó omenajen ikus ba líder nasional ne’ebé dedika nia moris ba luta libertasaun no dezenvolvimentu Timor-Leste. Jardim Herois Metinaro (26/06/26)
Durante serimónia ne’e, atmosfera nakonu ho laran moras no respeitu. Povu barak tuur no hamriik ho hakmatek, akompaña prosesu to’o saudozu nia mate isin hakotu iha Jardim Heróis. Oin-oin lideransa nasaun hato’o mós mensajen kona-ba legadu, kontribuisaun no servisu boot ne’ebé saudozu husik ba povu no Estadu.
Media Democracia observa mós katak medida seguransa hala’o ho di’ak husi membru F-FDTL no PNTL, nune’e prosesu funeral lao ho hakmatek no orden, enkuantu povu kontinua fó despedida ikus ba saudozu Francisco Guterres “Lú-Olo”, ne’ebé sei hela nafatin iha istória Timor-Leste nu’udar veteranu luta libertasaun no eis-Prezidente Repúblika.
Reportajen :Ekipa