Dili 10 Jullu 2026 Media Democracia – Felismina Magalhaes husi Munisípiu Ermera, Postu-Atsabe, Suku Lauboru Viabote, aldeia Lauboru Viabote, idade 32, sai oan Datoluk husi Inan Claudina Pereira no Aman Claudino Gomes no Maun alin Hamutuk na’in 6 kompostu husi mane na’in 2 feto 4 no feto 2 no mane 1 mak sei moris no Nain 3 fila hikas ona, dadaun hela iha Tasi Tolu Sku Comoro Aldeia 12 de Outubro. Deside buka moris Fa’an sasan iha dalan ninin maske rendimentu ki’ik maibé nafatin esforsu hodi sustenta nesesidade Familia nian
” Ha’u deside fa’an iha dalan ninin tanba oan sira nia presiza loro- loron nian, maske rendimentu ne’ebé kiik, ha’u hahú fa’an iha ne’e tinan 2023 to’o mai agora no husi negósiu ida ne’e bele sustenta ha’u nia oan na’in 2 nia presiza loro- loron, ha’u iha oan Feto 1 no mane 1 no ha’u hahu negósiu ne’e ho osan montante $50 dollar no sasán ne’ebé ha’u fa’an uluk mak sigaru Malhabor e , LA no be’e no dadaun ne’e ha’u foin aumenta tan ha’u nia sasán sira mak hanesan Kafé, Popmie, Manu tolun tasak, Supermi no Pulsa ha’u hahú fa’an hahu tuku 07 dader to’o tuku 04 lokraik no agora ha’u labele fa’an to’o lokraik, Tanba tauk ekipa jestaun Merkadu foti hotu sasan sira ” dehan Felismena Iha Tasitolu, (09/07/2026).
Nia afirma Dala ruma hetan difikuldade oioin maibé ida ne’e la’ós atu hamate nia vontade maibé kontinua esforsu a’an atu buka osan no bele sustenta nesesidade familia nian no oan sira nia presiza.
” Durante ne’e ami ida fa’an iha ne’e sempre hetan difikuldade boot liuliu iha parte relevante tanba loro- loron ekipa jestaun merkadu mai duni hela de’it ami no estraga hotu ami nia sasán ne’ebé ami uza atu fa’an iha ne’e. Ida ne’e sai difikuldade boot mai ami sira ne’ebé fa’an iha ne’e, bainhira jestaun merkadu sira duni ami, entaun deside fa’an iha dader de’it, bainhira hestaun merkadu sira lamai entaun ami deside Fa’an iha tuku7 dader to’o iha tuku 08 kalan no agora difisil tebes mai ami atu hetan rendimentu ne’ebé Boot husi ami negósiu ida ne’e. no agora kada loron osan ne’ebé ami hetan husi ami nia negósiu ida ne’e Boot liu maka $5 dólar no ki’ik liu mak $2 ou $1 dólar no dala ruma loron ema nunka kompra ami nia ” Nia hateten.
Nia afirma katak Difikuldade la’ós Atu hamate ita nia vontade maibé nafatin esforsu ita nia a’an no kontinua luta, no Brani foti desizaun no hasoru problemsa saida de’it maka ita hasoru iha ita nia Moris.
Reportangen: estajiada Joanita
Foto husi estajiada joanita