Dili, 13 Jullu 2026 (Media Democracia)– Polísia Nasional Timor-Leste liuhusi Diresaun Servisu Investigasaun Kriminál Segunda ohin sobu tan atividade ilízitu Scham online Centre iha área Kampung Baru no ida iha Munsipiu Liquiça, Postu-Administrativu Bazartete, Suku Ulmera.
Atividade buska no apreensaun ne’e halo iha oras 12.00 liu, bainhira ekipa to’o iha fatin sidadaun hirak ne’e halo hela atividade ilízitu scham call centre.
Suspeitu sira husi Kampung Baru hamutuk 14, iha Ulmera, Munisipiu Liquiça hamutuk 76.
Diretór Diresaun Servisu Investigasaun Kriminál, Superintendente Xefe Polísia João Belo dos Reis informa, atividade buska no apreensaun ne’e, hetan informasaun husi lideransa komunitária husi área rua refere, nune’e DSIK deteta katak iha duni atividade.
“Bazeia ba informasaun ne’ebé mak mai servisu informasaun da polisia, servisu informasaun husi DSIK rasik rekolla informasaun sira hotu-hotu servisu hamutuk ho lideransa komunitaria iha área rua ne’e depois ita detekta katak, iha duni potensia fraude online ne’e iha neeba.” Dehan Diretór DSIK ba Jornalista sira nia knaar fatin KomJer Caicoli
Nia informa, Ohin lansa ekipa rua hodi halo buska iha área Kampung Baru no Ulmera, Munisípiu Liquiça.
“husi fatin Kampung baru Comoro ne’e ita kaptura hamutuku xineza 14, iha hela fragrante delitu, sira halo hela sira nia servisu Scaming nian.” Nia adianta
Nia informa, Iha parte Munsipiu Liquiça Ulmera nian nee iha uma kontainer boot ida ne’ebé mak ema hamutuk 76 kompostu husi sidadaun indonesia 75 no sidadaun Xineza na’in ida.
Depois de halo indentifikasaun tanba fraglante de litu ami prende hotu sasan sira ne’ebé sira uza depois ita trasporta kedas sira mai iha ne’e.
Diretór DSIK dehan sei informa fila fali ba públiku tanba dadaun ne’e parte investigasaun sei halo verifikasaun ba evidénsia hirak ne’ebé rekolla husi suspeitu sira, nune’e aban sei iha konferénsia imprensa mak relata dadus kompletu.
João Belo dos Reis, dehan Kazu Scaming call Senter ne’e numeru sa’e bebeik, tan ne’e nia husu ba ema hotu atu servisu hamutuk no DSIK mós nafatin hodi hatudu kompremisiu atu servisu makas nune’e nasaun labele sai fatin ba atividade ilegal sira.
Reportajen : Estefania Cardoso
Foto : Estefania Cardoso