Dili, 03 Outubru 2025 (Média Democracia) – Dili institute of Tecnology DIT realiza serimonia atribuisaun sertifikadu rekoñesimentu ba kualifikasaun anteriores iha nivel III Administrasaun Publika Geral. Serimonia ne’e halao iha salaun hotel Timor Dili.
Iha entrevista ho Reitor Dili institute of Tecnology DIT Salustiano dos Reis Piedade dehan, uluk hakarak agradese ba konvidadu sira ne’ebé marka prezensa iha serimonia ida ne’e ho nia objetivu maka atu fó rekoñesimentu formal no kompetensia ba kualifikasaun anteriores iha nivel III Administrasaun Publika Geral nian.
“Ita hotu hatene katak programa rekoñesimentu ba nivel III hanesan aprendizajen anterior nian no pasu importante ida hodi rekoñese esperensia profisional haforsa kapasidade no fó benefisiu ba dezenvolvimentu jestaun rekursu umanu iha situasaun sira no programa ida ne’e ita afirma katak aprendijazen maka pasu kontinuada ida ne’ebé laos, ita la’os aprende de’it iha sala laran maibé mos esperensia sira ne’ebé sira implementa ona iha sira nia servisu fatin.” Dehan Aldeia Rua iha Suku Seloi Kraik Seidauk Asesu ba Eletrisidade
Nia informa, Foin primeira-vez DIT hetan rekoñesimentu nu’udar sentru ba avaliasaun, nune’e lori DIT nia naran aproveita oportunidade ida ne’e, hakarak hato’o agradese ba prezidente komisaun funsaun publika ba suporta tomak desde fulan lima liubá kotuk hahu loke formasaun iha DIT, no agradese mós ba iha Sekretariadu Parlamentu Nasional ba servisu hamutuk ne’ebé implementa ona, no benefisiariu nain sanulu resin-ida, agradese mós Diretor INDIMO hanesan mós instituisaun parseira ne’ebé durante servisu hamutuk hodi implementa programa ARTIEL iha Timor-Leste.
La haluha mós hato’o agrade ba avaliador sira inklui mós Diretor sira iha sentru treinamentu DIT nian ne’ebé ho servisu tomak fó formasaun ba benefisiariu sira to’o ohin loron ita bele hala’o serimonia sertifikasaun ida ne’e, bele asegura katak programa ARTIEL ne’e ita hala’o ho justu regroju no integridade.
Nia reafirma sertifikadu ne’ebé fó ona ba benefisiariu sira ne’e hanesan rekoñesimentu no motivasaun atu hanesan koñesimentu ba benefisiariu sira no ikus liu lori DIT nian naran hato’o agradese no parabens ba benefisiariu sira nomos ba parseiru sira ne’ebé servisu hamutuk ho DIT.
Hatutan husi Diretor INDIMO Isabel de Lima informa, Institutu Nasional Dezenvolvimento Mão de Obra hanesan orgaun regulador ida liuliu ba iha sentru formasaun hotu-hotu iha teritoriu Timor.
“Ohin ami marka prezensa iha serimonia ida ne’e atu fó rekoñesimentu tomak ba servisu sira ne’ebé ligadu ho formasaun profisional hanesan orgaun regulador servisu sira halo, iha ami nia sistema ne’ebé regurosu tebes halo avaliasaun akompanamentu sira hotu ba sentru formasaun profisional sira hotu ne’ebé atu hetan sira-nia lisensamentu profisional nomos atu hetan akreditasaun mesmu ke institusional no akreditasaun programatika, iha biban ida ne’e ita hotu haksolok katak, ita konsege konklui ita-nia formasaun ida kona-ba formasaun administrasaun publika geral nivel III nian.” Dehan Diretor INDIMO Isabel de Lima
Nia informa, formasaun ida ne’e faz parte kualifikasaun no atu rekoñese servisu sira ne’ebé durante ne’e partisipante ka formadu halo. momentu ida importante tebes tanba marka prezensa husi Prezidente Parlamento Nasional rasik nomos parseriu servisu sira, inklui mós Diretor sira, hodi fó sasin katak ida ne’e maka pasu primeiru hodi hahu ho formasaun administrasaun publiku geral nian.
Esplika kle’an liután katak serimonia atribuisaun sertifikadu rekoñesimentu ba kualifikasaun anteriores iha nivel III Administrasaun Publika Geral, realiza husi DIT, partisipa masimu husi Reitor DIT, Prezidente Parlamentu Nasional Fernanda Lay, Diretora INDIMO Isabel Fernandes de Lima, Sekretaria Geral Parlamentu Nasional Edgar Sequeira Martins, Prezidente Komisaun Funsaun Publika Agostinho Letencio de Deus, Diretor jeral husi Ministeriu Edukasaun, Diretor Nasional Formasaun husi SEFOPE, inklui mós Diretor no Diretor sira husi instituisaun no parseira sira ne’ebé servisu hamutuk ho DIT inklui benefisiariu sira.
Reportajen : Domingas
Reportajen : Domingas