Dili, 04 Marsu 2026 (Média Democracia)- Ministériu da Saúde (MS) liuhusi nia Diretora Nacional Recursu Humanu Mary Christavaria B. Lopes Bria hatete vaga bolsu estudu husi nasaun Fiji hamutuk 12 maibé kansela tiha 5 hela deit 7 ba Timor Leste.
Diretora Nasional Rekursu Humanu Mary Christavaria B. lopes Bria hateten bolsu estudu husi nasaun Fiji hahu nia prosesu iha tinan kotuk kandidatu hamutuk haatnulu resin neen (46), na’in sanulu resin ida (11) mak la pasa iha selesaun dokumentus maibe tolunulu resin lima (35) mak pasa iha selesaun dokumentus.
“Ita nia kandidatu ba bolsa estudu husi nasaun Fiji ita hahu prosesu ne’e husi kedas tinan kotuk fase ba preparasaun ita iha kandidatu 46 ne’ebé mak submete ba iha vaga refere, depois de aplikante sira aplika ba iha vaga na’in 35 maka pasa ba iha selesaun dokumentus, ne’e maka hatama liuhui ministeriu de saude departamentu planifikasaun depois dokumentus sira ne’e iha mekanismu la’os ita mak halo selesaun iha teste kontinuasaun maibe MS fasilita ba halo verifika ba dokumentus, ita scan hotu manda direitamente ba iha nasaun Fiji , scan dokumentu hotu manda ba iha ne’ebá depois husi parte Fiji maka sei halo selesaun kontinuasaun, husi ne’ebá ami simu cover latter ne’ebé mak deklara katak pasa husi Fiji por volta ema na’in hitu (7).” Dehan Diretora nasional Rekursu Humanu
Diretora nasional rekursu humano mós haktuir katak vaga ne’ebé MS loke hamutuk sanulu resin rua (12), hitu (7) mak pasa no lima (5) mak la pasa.
“Vaga ne’ebé mak ami loke iha vaga 12 mak hanesan psiquiatria, oftalmolojia, pediatria, oral cirurjia, dermatolojia, obstetria Ginecolojia, interna, intensive no emerjensia, cirurjia jeral no anesthesia maibe normalmente ida foin lalais pasa iha ema na’in 7 de’it tuir resposta ne’ebé Fiji fo mai ami.” Hatete diretora rekursu humanu
Nia mós haktuir tan katak parte MS halo de’it selesaun dokumentus no scan dokumentus manda liu-husi email ba iha Fiji no aplikante sira halo aplikasaun direita ho Fiji, no agora daudaun Diretór Jeral Servisu Kooperativu mak sai hanesan pontu vocal Fiji nian.
“ Konaba Fiji nian ida ne’e diferente oituan ho Cuba maibé Fiji nian ami fo mai parte ministeriu de saude so halo deit selesaun de dokumentus hotu tiha dokumentus sira ne’e ita scan ita manda tuir email ba iha Fiji depois sira halo selesaun kontinuasaun osida aplika ho online entaun kandidatu sira halo aplikasaun direita ho Fiji no Fiji mak fo resposta , ida ne’e mos ami ekipa de juri iha ne’e ami so halo selesaun dokumentus no kontinuasaun rezultadu ne’e prezidente de juri mak toma konta, agora daudaun ami nia Diretór Jeral servisu kooperativu mak sai hanesan pontu vocal ba iha Fiji nian entaun iha koordenasaun entre Fiji no Diretór Jeral kooperativa.” Hatutan diretora
Nia konklui katak kandidatu barak mak aplika ba iha Fiji sira mós aplika bolsa ba iha Cuba maske sira pasa maibe sira pasa iha Cuba konserteza vaga ne’e mamuk tanba sira pasa tona iha Cuba, no sira ne’ebé mak la pasa iha vaga ne’e bele prepara aan atu kompete fali iha tinan oin.
Reportajen : Nélia
Foto : Pajina Facebook palacio das cinzas