Dili, 18 Agostu 2026 (Media Democracia)- CEO Aero Dili, Lourenço Oliveira hatete Seidauk iha serteza aviaun Aero Dili halo voo Dili Kupang tanba aviaun nia slot laiha.
Governadór Nusa Tenggara Timur (NTT), fó konvite hodi konvida CEO Aero Dili tanba iha intensaun hodi husu ba CEO atu halo aviaun Aero Dili semo Dili ba Kupang no Dili Darwin.
“iha momentu ne’e ha’u dehan ba Governadór, ami aviaun nia Slot laiha ona, oras laiha ona para atu semo mai iha ne’e, ne’ebé se ami atu semo karik hein tinan oin no karik ami aumenta tan aviaun ida para oras ne’e to’o para semo tan mai Kupang. se agora governadór hakarak semo sedu ne’e hau la sanggup. mais imi fo dala hau fo hatene ba Guvernadór tanba iha Indonezia ne’e iha kompañia boot ba Aviaun iha rua, iha Garuda ho Lagiang Grup sira rua bele Semo Kupang Dili no Kupang Darwin.” Dehan Lourenço ba jornalista sira iha edifísiu Aero Dili Timor Plaza tersa ne’e (18/08)
Nia dehan, Aviaoun ne’e sei halo Voo, maibé la’os urjente hanesan governadór nia hakarak ne’e tanba seidauk iha akordu bilaterál ruma.
“banhira Aviaun atu semo ba ema nia nasaun ne’e bilateral ne’e tenke iha, ezemplu Aviaun semo mai dala ida ou Aero Dili mós semo mai, Citiling mós semo ba, se aumenta tan fatin seluk ita sei iha agreement entre nasaun rua ne’e tenke iha.” Nia hatete
Nia informa katak, informasaun ne’ebé foin dadauk sai ne’e, Governadór rasik mak fó sai no sira husu ba Aero Dili katak, enkontru ida ne’e bele fo sai ba públiku.
“no ha’u hatan bele fó sai la problema. Momentu sira bolu hau ba nee laos hau ba mesak hau ba ho Ministeriu Trasporte nia ema ida.” Tenik nia
Nia informa katak, Aero Dili sei Voo ba Kupang maibé la’os urjente hanesan dadaun governadór husu ne’e.
“Ita nia aviaun rua de’it halo nusa mak ita bele kobre fatin barak sera ke agora ita semo ba nasaun Xina, Singapura, Indonezia, Malazia no Australia, se ita halai tan ba kupang oras mak la to’o. Se tinan oin ita foti tan Aviaun ida nee ita bele semo ba Kupang.” Nia esplika
Lourenço esplika, uluk laiha akordu bilaterál mós aviaun bele halo Voo, agora tente priense rekezitus sira foin bele halo voo, nune’e bele iha igualdade ba sira-nia aviaun ho ita nian semo ba mai.
Nia haktuir, Governadór NTT nia razaun atu Voo ba nasaun tolu ne’e mais sira husu ona parte sira nian maibé ema ida seidauk hala’o tanba ne’e nia husu Aero Dili se bele karik halo operasaun ba Kupang.
Durante ne’e Aero Dili ejiste, halo operasaun ba Xina, Indonezia Singapura badal rua Malazia ba dala tolu no Australia ita ba dala rua maibé banhira ita haree pasajeiru aumenta ita sei aumenta tan loron.
Nia parte informa, Governu Timor-Leste konserteza hein de’it kuandu Aero Dili hakarak ba, sira tenke apoiu tanba loke tan ita-nia liras ba fatin barak liu.
Reportájen : Estefánia Cardoso
Foto : Estefánia Cardoso