Dili, 03 Marsu 2025 (Média Democracia) – Sekretáriu Estadu Floresta haktuir katak konstrusaun Moru Sentru Viveiru permanente Maubara atinji ona 55%, ne’ebé konstroi husi kompaña Jonter Furak hamutuk ho kompaña JV Minro Vinda Unipesoa.Lda.
Lia-hirak ne’e hato’o husi Sua Eselénsia Sekretáriu Estadu Floresta, Fernandino Vieira da Costa katak, kompaña Jonter Furak ho JV Minro Vinda Unipesoal.Lda halo konstrusaun moru Sentru Viveirus Permanente Maubara agora atinji ona 55%.
“Ha’u hanoin bazea ba informasaun relatóriu hato’o husi tékniku Diresaun Jeral Floresta katak konstrusaun moru Sentru Viveirus Permanente Maubara no fase konstrusaun hela, atinji ona 55%.” Sekretariu Estadu Floresta, Fernandino Vieira da Costa iha kna’ar fatin Caicoli, Kuarta (02/04)
Nia dehan dadaun ne’e Konstrusaun moru Sentru Viveirus Permanente Maubara ne’e atinji ona 55%, espera katak iha fulan hirak tuir mai projeitu refere sei finaliza tuir tempu ne’ebé determina ona.
“Maibé, ita nafatin fó orientasaun liuhusi tekniku sira ne’ebé iha atu bele aselera obra ida ne’e, hodi nune’e obra ida ne’e remata lalais tuir tempu ne’ebé determina ona.” Nia dehan
Nia informa ba kompaña katak, keta haluhan obra ne’e tarde kuandu hala’o servisu kompaña tenke liga mai parte tékniku ADN nia ho Ministeriu Obras Publiku (MOP) sira atu nune’e sira tun ba terrenu hodi hare’e konstrusaun moru Sentru Viveirus Permanente Maubara.
“Liu-liu ADN hare’e direitamente Kualidade konstrusaun refere ne’e, tanbá ida ne’e hanoin dala ruma para servisu uitoan no elementus komponente balun presiza sei halo teste iha leboratoriu, Hodi nune’e hatene nia kualidade kona-ba obra ida ne’ebé sira hala’o iha Sentru Viveirus Permanente Maubara, tanbá agora dadaun parte tekniku ho kompaña sei fó teste laboratoriu.” Nia informa
Nia argumenta, ADN nia servisu hodi hatene kona-ba kualidade fatuk ho obra ida ne’e, kuandu sira tun ba halo ona inspensaun sei fó orientasaun kompaña sira kontinua nafatin halo servisu ne’e to’o remata.
Nia dehan, la’os garante kualidade ho lae maibé depende ba avaliasaun husi tekniku Diresaun Jeral Floresta nomos husi ADN sei halo inspesaun ba fatin refere, kuandu laiha kualidade tekniku Diresaun Jeral Floresta no ADN sei fó orientasaun ba kompaña refere hodi halo obra ne’e ho kualidade.
“Ha’u hanoin konstrusaun Sentru Treinamentu iha area Balak Suku Ai-Teas Postu-Adminitrativu Manatutu Vila Munisipiu Manatutu agora dadaun la’o hela.” Nia hakotuk
Enkuantu Kompaña Jonter Furak ho JV Minro Vinda Unipesoal Lda husi Munisipiu Likisa ne’ebé kompete iha prosesu tenderizasaun hodi manan projeitu konstrusaun moru Sentru Viveirus Permanente Maubara. Entretantu orsamentu ne’ebé utiliza ba konstrusaun moru Sentru Viveirus Permanente Maubara ho orsamentu montante $185 mill, ne’ebé hetan tenderizasaun husi aproxinamentu.
Reportajen : Estefania
Foto : pájina Ofisiál Sekretáriu Estadu Floresta (SEF)