Dili, 03 Outubru 2025 (Média Democracia) – Ministeriu Edukasaun hamutuk ho manorin nain sira inklui inan-aman no estudante sira realiza serimonia inaugurasaun ba Pre-Eskolár Moris Foun 1 de Fatumeta. Serimonia inaugurasaun pre-eskolar ne’e hala’o iha 1 de Fatumeta, kinta-feira semana ne’e.
Iha entrevista ho Ministra Edukasaun (ME), Dulce de Jesus informa, Ministériu Edukasaun aloka orsamentu 91 mil dolares amerikanu ba konstrusaun Pre-eskolar refere, projetu ida-ne’e utiliza fundu dezenvolvimentu kapitál 2024 nian, maibé empreza ne’e finaliza ona iha tinan ida ne’e.
“Ohin ita halo inaugurasaun ba edifisiu edukasaun pre-eskolar, ita iha sala ualu, hariis fatin ba labarik ki’ik sira iha rua feto ida no mane ida, iha dapur ida, no tempu badak ita sei instala fatin halimar no jardim ba labarik kiikoan sira, nune’e intervalu sira bele pasa tempu hodi halimar hamutuk.” Dehan Ministra Edukasaun (ME), Dulce de Jesus
Ministra Dulce de Jesus apela ba profesór sira atu proteje eskola refere hodi mantein ambiente ne’ebé furak no asegura labarik sira.
Iha fatin hanesan Koordenadora da eskola Pre-escolar Moris Foun Fatumeta, Domingas Beatriz da Cuinha hateten, eskola ida ne’e hahu ka inisiu tinan 2000 hanesan eskola komunidade sira nian,
“Iha 2003, ami-nia eskola sai pre-eskolár públiku ne’ebé foin moris, ami hetan akreditasaun iha 2003 no ami laiha fatin, depois iha 2014 Ministru mai haree no husu atu harii eskola ne’e, entaun iha ne’ebá ami buka fatin no hetan fatin iha fatumeta no iha tinan 2024 ami hetan kontratu ba kontrusaun nian no iha tinan 2025 finaliza konstrusaun no ohin loron ita inaugura eskola refere.” Dehan Koordenadora da eskola Pre-escolar Moris Foun Fatumeta, Domingas Beatriz da Cuinha
Nia hatutan, hanesan koordenadora louva ba ekipa Ministériu no ekipa Edukasaun iha sidade Díli ba servisu konjunta nune’e ohin loron eskola ne’e bele hetan edifísiu foun.
“Estudante sira ne’ebé escola iha Pre-Eskolar Moris Foun 1 de Fatumeta iha alunu hamutuk 130, mane 58 no feto 62, fahe ba turma rua, turma A, ho alunu 102, no turma B, ho alunu 24.” Hatutan Koordenadora da eskola Pre-escolar Moris Foun Fatumeta, Domingas Beatriz da Cuinha
Kompañia Providensia Unip. Lda, Ilidio Magno hateten, obra refere liuhusi prosesu tenderizaun, nune’e kompañia Providensia mak manan atu konstrui eskola rerefe.
“Lolos ne’e eskola refere remata iha fulan dezembru 2024, tanba iha difikuldade balun, Entaun ami konvida fali Kompaña Providensia Leste atu sai hanesan sub kontratu ba projetu ida ne’e, no Ami ezekuta konstrusaun ida nee remata iha loron 30 Setembru tinan ne’e.” Dehan Kompañia Providensia Unip. Lda, Ilidio Magno
Responsável informa katak, konstrusaun ba pré-eskolár Moris foun 1 de Fatumeta nian hahú konstrusaun iha fulan-Outubru 2024 tuir kontratu, no remata ona iha fulan-Marsu 2025 ohin halo inaugurasaun ba eskola refere.
Reportajen : Domingas
Foto : Domingas