Dili, 09 Fevereiru 2026 (Média Democracia) – Ministeriu Ensinu Superior Siensia no Kultura (Sigla-Portugues MESCC) liuhusi prosesu asesu ensinu superior publiku tinan akademiku 2026 hodi anunsiu rezultadu kandidatu teste UNTL no IPB hamutuk 5.701 admitidu.
Tuir Diretor Geral Ensinu Superior Siencia no Prezidente Komisaun Asesu Ensinu Superior Domingos Barros hateten, prosesu asesu ba Ensinu Superiór Publiku ba estudante foun tinan akadémiku 2026, ne`ebé implementa ona husi Ministériu Ensinu Superiór Siénsia no Kultura (MESSK), Universidade Nasionál Timor Lorosa’e (UNTL) no Institutu Politékniku Betano (IPB) Prosesu ida ne’e hahú ho aprovasaun Diploma Ministeriál N.° 20/2025 de 09) de anunsiu Diploma ne’e fó kompeténsia ba Comissāo Coordenadora de Acesso ao Ensino Superior (CAES), hodi responsabiliza ba atividade hotu-hotu, relativa ba asesu Ensinu Superiór Publiku. Komisaun E kompostu husi elementu MESSK, UNTL no IPB. Komisaun ne’e koordena ho Ministériu relevante sira nanesan ME, MSSI, MAKLN no MAE. Hodi lidera prosesu diseminasaun informasaun iha Munisípiu hotu-hotu, kona-ba rejime asesu no rekizitu sira ba admisaun.
Faze no kalendáriu ba implementasaun no númeru vaga ne’ebé disponível ba estudante sira hodi bele asesu ba Ensinu Superiór Públiku, ho objetivu atu promove prinsípiu igualdade kona-ba oportunidade no respeitu ba diferensa, nune’e estabelese rejime rua hodi asesu ba Ensinu Superiór Públiku, Rejime jerál fó oportunidade ba finalista husi ensinu sekundáriu jeral no ensinu sekundariu tekniku vokasional tinan 2025, Rejime espesiál fó oportunidade ba kandidatu sira ne’ebé sei iha situasaun exsesionál hafoin realiza prosesu asesu ba ensinu superiór públiku ba tinan 2026.
“MESSK ohin anúnsia ho forma jerál, rezultadu finál ba Rejime rua, Rejime jerál kompostu husi finalista ensinu sekundáriu jerál (ESJ) no ensinu sekundáriu tékniku-vokasionál (ESTV), ho rezultadu final hanesan tuir mai, Númeru Totál Estudante finalista sira husi ESJ no ESTV- hamutuk 27.698 fahe ba Ensinu Sekundáriu Jerál (24.168) no Ensinu Sekundáriu Tékniku Vokasional 3.530.” Dehan Diretor Jeral Ensinu Superior Siensia kultura no Prezidente Komisaun Asesu Ensinu Superior Domingos Barros
Diretor Jeral Ensinu Superior Siensia kultura informa, numeru totál estudante finalista sira husi ESJ no ESTV ne’ebé prienxe Boletim Hamutuk 11.725, numeru estudante finalista sira husi ESJ no ESTV ne’ebé admitidu ba Ensinu Superiór Públiku (UNTL no IPB), liuhusi rejime jerál hamutuk 4.701 ESJ 3.856. Inklui ona kandidatu 144 ne’ebé hetan kualifikasaun di’ ak liuhusi kada Munisípiu), no ESTV 881 inklui ona 62, ne`ebé hetan kualifikasaun di’ak liu iha nível nasionál.
Numeru estudante finalista sira husi ESJ no ESTV ne’ebé prense boletin maibé la admitidu ba Ensinu Superiór Públiku liuhusi rejime jerál 7.024, rejime espesiál kompostu husi oportunidade fó biban ba sidadaun Timoroan sira ne’ebé remata ona ensinu sekundáriu iha tinan haat ba kotuk, ho rezultadu final kandidatu 1.186. Kandidatu sira ne’ebé tuir Ezame1.001, no kandidatu sira ne’ebé la tuir Ezame 185.
Entretantu kandidatu sira ne’ebé admitidu ba UNTL no IPB 5.701, no kandidatu sira ne’ebé la iha kolokasaun (la admitidu) ba Ensinu Superiór Públiku 430 Veteranu no Mártir sira nia oan, hodi fó biban ba sira. Ho rezultadu finál Kandidatu 162. Kandidatu sira ne’ebé tuir Ezame 151. Kandidatu ne’ebé la tuir Ezame 11.
Reportagem : Estagiadu Marito
Foto : Marito