Dili, 10 Agustu 2026 (Media Democracia)- Autoridade Seguransa, liuhusi Diresaun Servisu Investigasaun Kriminal (DSIK), Polísia Nasionál Timor-Leste (PNTL), ezekuta mandadu detensaun ho NUC 0029/23.DIBCR, ne’ebé emite husi Tribunal Judisiál Primeira Instánsia Dili, hasoru kondenadu ho inisiál NCJA, idade 23 tinan.
Kazu ne’e relasiona ho krime agravasaun seksual hasoru menor, ne’ebé akontese iha tinan 2023 no Iha Kódigu Penál Timor-Leste nian previstu iha artigu 173 kona-ba “Agravação” ba krime agresaun seksuál, tuir informasaun kona-ba prosesu judisiál ne’e.
Bainhira simu tiha ezekusaun mandadu, ekipa to’o kedas iha kondenadu nia hela fatin hodi foti no lori ba iha edifísiu Diresaun Servisu Investigasaun Kriminál, Komandu PNTL Caicoli Dili no sei lori Ko denadu ba kumpri pena iha Prizaun Becora.
Ezekusaun mandadu ne’e hala’o iha Aldeia Au-Hun, Suku Becora, Postu Administrativu Cristo Rei, Munisípiu Dili, hasoru kondenadu ho inisiál NCJA atu detein hodi kumpri pena prizaun tinan 7 (hitu), tuir desizaun husi autoridade judisiál kompetente.
Tanba ne’e autoridade seguransa DSIK-PNTL kontinua komprometidu atu ezekuta mandadu no desizaun judisiál sira, no hala’o servisu investigasaun kriminal ho baze ba lei, respeitu ba direitu umanu no prinsipiu seguransa jurídika.
Reportájen: Estefánia Cardoso
Foto: Estefánia Cardoso