Dili, 10 Juñu 2025 (Média Democracia) – Programa Treinamentu Epidemiolojia iha Terrenu (FETP) realiza serimonia graduasaun ba pesoal saúde hamutuk na’in 40, iha grupu dahuluk ho epidemiólogu, pasu impotente ofisialmente prontu atu deteta, investiga no responde ba ameasa saúde iha rai laran.
Reprezentante OMS, Arvind Mathur hateten, Timor-Leste lansa ona ninia kursu FETP iha Fevereiru 2025, ne’ebé provoka husi deskobrimentu xave sira husi Avaliasaun Esterna Konjunta iha 2018 no 2024 ne’ebé identifika lakuna sira iha kapasidade epidemiolojia kampu nasaun nian.
“Profisionál saúde na’in 40 ne’e kompleta ona programa intensivu durante fulan haat nia laran, hodi aprende oinsá atu haree padraun moras nian, buka tuir surtu sira, analiza dadus no alerta autoridade sira bainhira presiza asaun. Graduadu sira-ne’e sei hala’o papél esensiál ida iha nivel hotu-hotu husi Suku no Munisípiu sira to’o sistema saúde nasionál sira halo akompañamentu ba surtu moras sira no responde lalais hodi proteje komunidade.” Dehan Reprezentante OMS, Arvind Mathur
Reprezentante OMS hatutan FETP iha Timor-Leste implementa husi Institutu Nasionál Saúde Públika (INSPTL) ho apoiu husi OMS Timor-Leste, Ajénsia Kooperasaun Internasionál Korea (KOICA) no Programa Formasaun iha Rede Intervensaun Epidemiolojia no Saúde Públika (TEPHINET).
Iha fatin hanesan Diretora Nasionál KOICA, Youn Hwa Kang hateten, fó parabéns ba graduadu sira katak agora ekipadu ona atu identifika preokupasaun saúde xave sira, detekta surtu sira sedu no analiza dadus vijilánsia nian, abilidade esensiál sira atu forma estratéjia resposta informadu. Nia hatutan tan katak enkuantu koñesimentu tékniku maka importante, sira nia dedikasaun maka sei lori mudansa ne’ebé dura.
Iha sorin seluk Prezidente INSPTL, Merita Monteiro haktuir, graduasaun ne’e nu’udar momentu orgullu no istóriku ida ba Timor-Leste, sai posivel liuhusi parseria forte ho KOICA no OMS. Nia destaka papél ne’ebé habelar husi epidemiólogu sira iha kampu, ne’ebé sei koloka iha Munisípiu 13 no aumenta atu rezolve laos de’it surtu moras infesiozu sira, maibé mós dezafiu emerjente sira hanesan moras zoonótiku, rezisténsia antimikrobiál.
“Ha’u sente orgullu tebes,” dehan João de Jesus Araujo, médiku jerál ida iha CHC ida iha Baucau no graduadu FETP nian. “Treinamentu ida ne’e fó ona mai ha’u ferramenta sira atu deteta no hatán ba surtu sira ho sedu. Ha’u agora sente fiar-an no preparadu liután atu proteje ha’u-nia komunidade liuliu ita hasoru pandemia seluk iha futuru.” João nia liafuan hato’o ba Prezidente INSPTL, Merita Monteiro hafoin hatutan ba jornalista sira
Nia afirma iha fulan Jullu 2024, Treinamentu Formadór sira (ToT) ba FETP liña oin nian hala’o ho apoiu husi peritu sira SAFETYNET nian, OMS Timor-Leste nomos OMS SEARO. Ida-ne’e harii baze ba lansamentu ba formasaun FETP nian durante fulan tolu iha inísiu tinan ida-ne’e.
Esplika liután iha atividade graduasaun ida ne’e, Timor-Leste hamutuk ho Tailándia, Maldives, Bangladesh, Nepal no nasaun sira seluk iha Rejiaun Sudeste Aziátiku OMS nian susesu halo programa FETP ida ne’e ho susesu.
Reportajen : Nelfiano
Foto : Media OMS Timor-Leste