Dili, 20 Fevereiru 2026 (Média Democracia) – Polísia Nasional Timor-Leste liuhusi Komandu Pesoa Formasaun Polísia Nasionál Timor-Leste iha planu atu kondekora ba membru sira ne’ebé dedika-an iha instituisaun PNTL durante tinan 25 ho medalla ezemplar.
Komandante Komandu Pesoa Formasaun Polísia Nasionál Timor-Leste (PNTL) Superintendente Xefe Polísia Arquimino Ramo hateten, Komandu planea kondekora membru sira ne’ebé dedika-aan servi institusaun PNTL tinan 25.
“Medalla komportamentu ezemplár ne’e sei oferese iha ambitu selebrasaun aniversariu ezistensia PNTL iha loron 27 Marsu tinan ne’e, agora dadaun mós ami komisaun ba preparasaun aniversariu PNTL nia ba dala 25 mós prepra no propoin atu membru sira ne’ebé kompleta ona durante 25 anos ita aprezenta ba Exelensia Komandante Jerál para hasai despaisu hetan medalla komportamentu ezemplár ba membru sira ne’ebé kumpre ona serbisu durante 25 anos.” Dehan Arquimino ba jornalista sira iha nia kna’ar fatin Batallaun Orden Públiku (BOP) Caicoli, Kinta (19/02)
Medalla ne’e oferese ba membru ne’ebé la komete iha infrasaun disipliñar prosesu krime ruma ne’ebé hetan kodenasaun, sira ne’ebé livre komamdu rekomenda para sira hetan kondekorsaun iha 27 de marsu agora.
Kondekorsaun ne’e ba membru hotu-hotu, liuliu ba membru ne’ebé halo ona serbisu durante 25 anos, signifika sira ne’ebé gradua antes 27 Marsu 2001, ne’ebé iha Marsu 2026 ne’e sira bele hetan ona kondekorsaun ba medalla komportamentu ezemplár.
Arquimino hatutan, Medalla ne’e inklui hotu ba membru sira ne’ebé atu pasa ba reforma nomos ba Eis Komisáriu PNTL sira.
“Medalla ida ne’e sei ba iha membru hotu-hotu no membru sira ne’ebé serbisu to’o 25 anos sira iha direitu atu hetan mellada komportamentu ezemplár ne’e. Kondekorsaun medalla komportamentu ezemplár ne’e inklui mós Eis Komisariu Polísia Nasionál Timor-Leste (PNTL) hahú husi Paulo Martins to’o Komisariu Jerál PNTL Polísia Henrique da Costa.” Hatutan Komandante Komandu Pesoa Formasaun Polísia Nasionál Timor-Leste (PNTL) Superintendente Xefe Polísia Arquimino Ramo
Arqimino informa, dadaun ne’e Komandu Pesoa Formasaun halo hela cross check ba lista sira hodi manda ba departamentu Justisa, karik membru sira ne’ebé iha infrasaun displina iha kondenasaun, komisaun sei haree lista hirak ne’e. Entretantu Medalla Komportamentu Ezemplár ne’e oferese ba Membru ne’ebé dedika-an durante tinan 25 ba Instituisaun PNTL, signifika sira ne’ebé graduasaun iha 2001.
Reportajen : Estefania
Foto : Estefania