Díli 22 Juñu 2026 (Media Democracia)- Komandu Operasaun Polísia Nasional Timor-Leste (PNTL) Munisípiu Díli hetan ona orientasaun direita husi Komandu Jerál PNTL hodi hahú prepara planu koperasaun seguransa no operasaun atu simu Saudozo Eis Presidente Republika Francisco Guterres “Lu-Olo” too iha nia residénsia Farol no sei halo operasaun iha tempu lutu nasional durante semana ida nia laran.
Komandante Operasaun Polísia Nasionál Timor-Leste (PNTL) Munisípiu Dili, Superintendente Asistente Polísia, Luis Amaral hatete, sei tuir orientasaun ne’ebé sai ona hodi halo operasaun iha fatin-fatin liu-liu ba kopa mundial ne’ebé dadaun ne’e lao hela, nune’e PNTL halo patrulla la iha barulhu
“Tuir Orientesaun ne’ebé mak fó sai ona ami sei halo operasaun iha fati-fatin liliu ba jogus kopa mundial nian ami sei halo patroleu nafatin, bele nonton ou asiste maibé labele halo baruliu tanba ne’e ita nia Heroi Nasional ne’ebé ita hotu hatoo ita nia sentidu kondelénsia ba ita nia aman nasaun nia”, dehan Superintendente Asistente Polísia Luis Amaral ba jornalista sira iha Saudozu Francisco Guterres “Lu-Olo” nia residensia Farol, segunda-feira (22/02026)
Nia nia afirma tan Komandu Munisipiu Dili prontu simu orintesaun husi parte Governu nomos Komandu Jeral atu hapara atividade ne’ebé hala’o iha dili laran durante semana ida.
Komandu Operasaun PNTL, husu ba joven sira bele asiste jogu kopa mundial maibé labele halo barullu.
“Husu ba joven sira bele asiste jogu kopa mundial maibé labele halo barullu. tanba ne’e lutu nasional ne’ebé dekreta ona husi konsellu Ministru hodi hotu-hotu hakmatek iha semana ida nia laran”. Nia afirma
Polisia iha dever atu fó hateten ba komunidade sira karik toka musika hatun volume labele sa’e makas no ba fatin karaoke ne’ebé iha dili laran mos parte seguransa sei tun halo operasaun iha fatin refere.
Reportajen : Tomás dos Santos
Foto: Tomás dos Santos