Dili, 23 Fevereiru 2026 (Média Democracia) – Komunikadu Imprensa Prezidente Repúblika Laureadu Nobel ba Pás, José Ramos-Horta, hahú vizita ofisiál ida ba Jenebra no Paris, husi loron 22 to’o 25 fulan fevereiru tinan 2026. Nune’e sei hato’o diskursu iha Konsellu Diretus Umanus ONU nian.
Prezidente Repúblika José Ramos-Horta hatete iha Komunikadu ida ne’e hatudu kompromisu metin Timor-Leste nian ba multilateralizmu no Direitus Umanus, hodi kontinua hametin relasaun bilateral ho Repúblika Fransa.
Iha loron 23 fevereiru sei hato’o diskursu prinsipál iha Sesaun ba dala 61 husi Konsellu Direitus Umanus ONU nian iha Jenebra. Ninia ajenda inklui enkontru kortezia ida ho Komisáriu as ONU nian ba Direitus Umanus, Sr. Volker Türk no ho Dr. Tedros Adhanom Ghebreyesus, Diretór-Jerál Organizasaun Mundiál Saúde (OMS), reforsa Timor-Leste nia dedikasaun ba promosaun reziliénsia saúde públika globál.
Prezidente hatutan, iha jestu divulgasaun diplomátiku, Misaun Permanente Timor-Leste nian iha Jenebra sei sai uma-na’in ba almosu ofisiál ida, hodi halibur reprezentante sira husi ASEAN no Komunidade País sira Lian Portugés nian (CPLP), hamutuk ho dignitáriu sira seluk no belun sira husi Timor-Leste ne’ebé partisipa iha sesaun Konsellu Direitus Umanus nian. Vizita ida ne’e sei inklui mós ho jantar ida ho Xefe Bankada CPLP nian sira.
Kompromisu sira iha Suisa sei halo viajen ba Paris ba vizita serbisu ofisiál ida iha loron 24 fulan fevereiru no sei hasoru S.E. Prezidente. Emmanuel Macron, iha Palásiu Élysée, iha loron Kuarta-feira, 25 Fevereiru.
Prezidente afirma diskusaun sira-ne’e sei foka ba reforsu kooperasaun bilaterál no rezolve dezafiu globál sira ne’ebé komun, inklui asaun klimátika no diplomásia kulturál.
“Iha Jenebra, ita fila-fali ba konxiénsia morál mundu nian Nasoins Unidas hodi afirma katak dignidade umana la’ós luxu maibé fundasaun ba dame nian. Ha’u nia enkontru sira iha Konsellu Direitus Umanus no ho OMS hanesan kontinuasaun ida husi ita-nia konviksaun katak mundu ida ne’ebé justu mak mundu ida ne’ebé saudavel no livre. Iha Paris, ha’u-nia enkontru ho Prezidente Macron sei sai hanesan oportunidade ida atu aprofunda amizade entre ita-nia repúblika rua no atu esplora fronteira foun sira ba kooperasaun nian. Timor-Leste bele ki’ik iha jeografia, maibé ita la limite iha ita-nia kompromisu ba família nasaun sira nian.” Dehan Prezidente da Repúblika José Ramos Horta
Esplika liután Prezidente José Ramos-Horta tuir planu sei konklui vizita serbisu ofisiál iha Paris iha loron 25 fulan-Fevereiru no sei to’o fila-fali mai Díli iha loron 27 fulan fevereiru tinan 2026.
Reportajen : Nelfiano
Foto : Média PR