Dili, 11 Agostu 2025 (Média Democracia) – Governu liuhusi Sektetaria Estadu Igualidade (SEI) hamutuk ho membru Komité Derije Peskiza (KDP) formaliza no aprova metodolojia kompotente kualitativu estudu nasional prevalénsia no perpretasaun Violénsia Bazeia ba Jeneru komesa husi tinan 2025 to’o 2026, atividade ne’e Média Democracia asesu liuhusi pajina SEI, Sexta Semana kotuk.
Diretór-Jerál Sekretária Estadu ba Igualdade, Armando da Costa hateten, ohin realiza atividade ida ne’e hamutuk ho membru Komité Derije Peskiza kona-ba Violénsia Bazeia ba Jeneru iha rai laran
“Parte xave sira ne’ebé hola parte iha KDP husi entidades xave Governu Ministériu Soldaridade Sosiál no Inkluzaun (MSSI), Institutu Nasionál Estatistika Timor-Leste (INETL), Institutu Nasionál Saúde Públika Timor-Leste (INSPTL), Parseiru sira hanesan DFAT, UNICEF, UN Women, Organizasaun Sosiedade Sivil, FOKUPERS, RHTO no parte akademia husi UNTL. KDP nia mandatu mak sei dirije estudu liuhusi foti desizaun no halo aprovasaun sira liga ho estudu prevalénsia.” Dehan Diretor Jeral Sekretariu Estadu no Igualidade, Armando da Costa
Nia hatutan, objetivu husi Serimonia Enkontru Komite Diriji Peskiza ne’e ba dahulu, membru (KDP) sira hala’o uluk asina Termu Referénsia ida ho objetivu ida atu harii baze ba kriasaun Komite Dirije Peskiza (KDP) no Grupu Traballu Tékniku (GTT) ba implementasaun Estudu Prevalénsia Bazeia ba Jéneru iha tinan 2025-2026, hodi klarifika sira nia kna’ar, kompozisaun grupu no frekuensia enkontru.
“Iha enkontru daruak ne’e nian, membru sira hotu halo asinatura ba establesementu KDP no iha tempu hanesan konsultór The Equality Institute (EQI) aprezenta proposta ba metodolojia komponente kualitativu ne’ebé hetan aprovasaun formál husi membru sira hotu. Proposta metodolojia ne’e ho baze iha dezeña kolaborativu hamutuk ho organizasaun ema ho defisiensia balun no konfirma ona husi diskusaun detaillu ho Grupu Traballu Tékniku (GTT).” Hatutan Diretor Jeral Sekretariu Estadu ba Igualdade
Nia afirma, iha fulan ida ne’e mós marka tinan ida ba GTT ne’ebé membru sira partisipa ona kursu kNOwVAWdata iha Fiji. Kursu ida ne’e forma ekipa téknika forte ida ne’ebé kontribui ba desizaun KDP liga ho estudu nasionál prevalénsia.
Esplika liután relasiona ho atividade ne’e lidera husi Governu Timor-Leste liuhusi Sekretariu Estadu no Igualdade no Vise INETL. Nune’e apoiu finansiamentu husi DFAT liuhusi apoiu tékniku programa nabilan iha TAF hodi finaliza atividade refere.
Reportajen : Nelfiano
Foto : Média SEI