Dili, 19 Fevereiru 2026 (Média Democracia) – Sarani Katolika selebrasaun misa Kauarezma nian iha Igreja Santo António Paroquia Motael, iha homelia dehan, Ita to’o fali ona iha siklu liturzia kreda nian ida ne’ebé espesial tinan-tinan sempre atravesa, nune’e ohin tama fali ona iha tempu espesial ahu-kedesan sinzas nian durante loron 40 nia laran.
Padre Paroquia Motael Guilermino da Silva hateten, ahu-kedesan ne’ebé simu iha rentos laos hameno simbolu maibé koalia mai ita-nia fuan atu hatene-an no ezistensia ahu-kedesan fó hanoin kona-ba moris ne’ebé la eterna no la hotu lalais de’it husi mundu ne’e, to’o rai rahun sei fila-fali ba rai. Maibé rai rahun ne’e mós hatudu sinál esperansa nian basa husi rai rahun ne’ebé folin laek maromak halo ita moris iha mundu ida ahu-kedesan Kuarta Feira Sinzas nian nu’udar hamatan iha tempu konversaun ka hakribi sala nian.
“Tempu ida ne’ebé konvida ita atu fila ba maromak ho laran tomak, livru profeta Joel nian haklaken dehan fila mai ha’u ho laran tomak, husi hadera-an hodi tanis no halerik. Keta lees imi nia hatais maibé lees fuan ho laran dehan katak husi imi-nia ropa sira moos nafatin ba maibé imi-nia laran tenke moras tan imi-nia moris. Maromak la haree ba aparellu sira exterior ne’ebé fuan laran moras no haraik-an Maromak mizerikordia, Maromak ne’ebé pasensia ba ema nia hahalok no jeitu sira.” Dehan Amu Paroquia Motael, Pe Guilermino da Silva
Padre Guilermino hatutan, iha profeta Joel haklaken konvite ita sarani hotu labele rejeita mak hahú ohin sei hakarak halo kuarezma hanesan ita moras sei la kansela tratamentu, nune’e bele konsumu aimoruk tan moras ne’e tempu lolos no tempu grasa nian mai ema hotu-hotu.
“Saun Paulo nia karta ba sarani sira iha kerintu haklaken dehan, oras ne’e daudaun mak tempu di’ak salvasaun nian no tempu maksoin, konversaun hakribi sala ne’e laos kestaun tenke kansela. Maibé bolu ita atu halo ohin kedas, basa ita la hatene minutu tuir ita sei to’o pontu konversaun kalae. Nune’e Saun Paul fó hanoin katak ita mak Kristu nia saseluk bolu ita atu hadame malu ho Maromak.” Padre Guilermino esplika
Padre Guilermino afirma, tempu Kuarezma hanesan oportunidade osan mean ida hafoun relasaun ho nai Maromak atu ema sarani nia moris sai tebes provas ida ba nai nia domin sei iha tempu ba mai hala’o ema moris rutina ba mai nian, entaun tama iha tempu Kuarezma halo buat seluk ida atu halo foun ita-nia moris.
“Evangellu fó sai hakribi sala ida ne’ebé loloos Jesus dehan, bainhira o hadera-an keta halo oin nakraik bainhira o fó esmola keta husik liman karuk hatene o nia liman loos halo saida, bainhira o hamulak hatama iha o nia uma laran. Jesus fó hanoin katak hamulak hadera-an karedade laos palku atu sobu no hatudu-an ba ema seluk bele haree. Maibé ita halo hanesan oferta loloos ida ba Maromak, konversaun loloos ne’e laos kestaun aparensia exterior maibé kestaun laran ne’ebé fila ba Maromak ho laran moos.” Padre Guilermino haktuir
Pe Guilermino relata, maluk sarani sira hotu mak kristu hadomi, Kuarta feira Sinzas hanorin atu haree ba moris no onestu, loos duni frazil no folin laek sala nain no halo sala barak tebes, dalabarak lao sala dalan, maibé tenke konsiente rai rahun iha rentos laos sinal dezamina nian hanesan ema balun ne’ebé toman ona komesa dehan tama fali ona Kuarezma ne’e komesa han ituan de’it ona no labele halo buat oioin.
Padre subliña tan, liuhusi Profeta Joel dehan, ema sira foin kaben hadook malu lai ne’e todan maibé sinál esperansa ida mós mai katak ho maneira sira lemite hakarak sira sei bele goja salavasaun ne’ebé Maromak fó ba ita. Rai rahun fó hanoin katak Maromak transforma rai rahun ba moris tristeza haksolok no pekadu sira sai as.
Esplika liután Kuarezma ne’e sarani hotu tenke fiar ho laran tomak labele fiar ho laran rua-rua, nune’e labele defende-an iha loron Sexta bainhira halo sala. Fiar sei la akontese ida-ne’e kuda metin o nia fuan katak loron 40 nia laran ne’e loron Kuarezma hamulak ho laran moos hadera-an ho haraik-an, halo karidade ho laran moos no loloos. Nune’e rai rahun ne’ebé belit iha rentos sai sinal komprende ida katak husi haraik-an husu konversaun. Husi konversaun mosu pasu moris foun no mosu naroman ne’ebé restaura mundu nian.
Reportajen : Nelfiano
Foto : Nelfiano