Oe-cusse, 29 Janeiru (Média Democracia) – Sentru Saude Komunitaria Oé-silo ne’ebé lokaliza iha suku Bobometo Sub Rejiaun Oe-silo Rejiaun Especial Oe-cuse Ambeno menus mediku nomos ambulancia hodi fasilita pasiente.
Tuir Xefe Departementu Saude Komunitariu Oe-silo Frides Elo hateten, durante ne’e Sentru Saude Komunitaria Oe-silo utiliza de’it kareta operasional ida hodi fasilita pasiente sira ne’ebé moras ka akontese dezastre ruma iha Aldeia ka Suku no sentru refere atu transferensia ba Ospital Oe-cuse tenke kontaktu Ambulansia husi SNAEM.
“Daudaun ne’e Sentru Saude Komunitaria Oe-silo uza kareta operasional ida laiha tan kareta seluk, kareta ambulansia mós laiha bainhira akontese pasiente balun moras todan iha sentru refere ami tenke kontaktu direta ba ambulansia SNAEM hafoin bele tranferensia pasiente ba ospital referal Oe-cuse.” Dehan Xefe Departamentu Sentru Saude Komunitaria frides Elo
Nia hatutan durante ne’e husi Sentru Saude Komunitariu Oe-silo kada loron simu pasiente ne’ebé konsulta moras baibain hamutuk lima-nulu (50) ba leten. Maibé kona-ba programa saude inan isin rua, kada loron konsulta ema dalaruma bele to’o sanulu (10) ba leten.
“Iha Sentru Saude Komunitariu Oe-silo kada loron rejistu ba pasiente ne’ebé mai halo konsulta hamutuk ema lima-nulu (50) ba leten, maibé haree kona-ba programa inan isin rua bainhira mai halo konsulta bele sura ho liman fuan sanulu 10 ba leten kuandu tama ona iha loket rejistu nian sei ba tuir imunisasi ou Amc ka familia planing, maibé depende husi loket mak sei koloka ba programa hotu-hotu iha sentru saude.” Dehan Xefe Departamentu
Iha fatin hanesan komunidade Maria Delfina Oky hateten, bainhira komunidade aldeia saben kuandu hetan moras todan ka akontese dezastre ruma susar tebes atu asesu lalais ba Sentru Saude Komunitaria Oe-silo tanba ho distansia ne’ebé dook tebes.
“Ami komunidade ne’ebé hela iha aldeia Saben durante tinan barak nia laran ona susar tebes atu asesu lalais Sentru Saude Komunitaria Oe-silo bainhira hetan moras todan ruma ami tenke esforsu-aan dalaruma akompaña husi familia balun hodi lao ain ba to’o iha sentru saude refere durante oras 2 nia laran foin bele hetan konsulta.” Dehan komunidade
Nia salienta iha ne’e sentru saude ida de’it iha Oe-silo bainhira komunidade ne’ebé hela iha Aldeia Saben karik hetan moras todan presiza halo tratamentu tenke esforsu-aan hodi lao ain durante oras rua nia laran foin bele to’o iha sentru refere.
Ligadu ho Ambulansia iha sentru Saude Komunitaria Oe-silo laiha, durante ne’e sira halo ona planu no hatama ona karta ba Ministeriu Saude hodi nune’e sentru saude Oe-silo tenke hetan Ambulansia ida hodi utiliza ba kasu emerjensia.
Esplika kel’an liután katak iha sub rejiaun Oe-silo iha postu saude 3 no sentru saude 1, relasiona ho rekurusu umanu ne’ebé durante hala’o servisu hodi atende ba pasiente sira, hanesan Mediku, infermeiru, Farmasia, parteira Tekniku aliadus, laboratorrium, no Dotor. Total hamutuk Mediku haatnulu resin-haat 44.
Repotajen : Nelfiano
Foto : Nelfiano