Dili, 24 Fevereiru 2025 (Média Democracia) – Sekretáriu Estadu ba Formasaun Profisionál no Empregu ( SEFOPE), realiza sorumutu ho Embaixadora Hungaria iha Timor-Leste hodi ko’alia kona-ba kooperasaun entre nasaun rua liga ba iha asuntu mobildade laborál.
Sekretáriu Estadu ba Formasaun Profisionál no Empregu Rogério de Araújo Mendonça hateten, sorumutu ba loron ohin entre SEFOPE ho Embaixadora Hungaria hodi deskuti kona-ba mobilidae laborál iha futuru mai.
“Iha sorumutu ida ne’e liuliu ko’alia kona-ba futuru programa mobilidade laborál ne’ebé sei hala’o ba iha Hungaria aumesmu tempu oportunidae ida ne’e mós parte nasaun Hungaria atu bele husu joven Timor-Oan liuliu ba kapasitasaun formasaun iha área sira ne’ebé ita presiza iha futuru oin mai.” Dehan Sekretáriu Estadu Rogério ba jornalista sira iha edifísiu SEFOPE Caicoli Segunda ne’e
Nia informa katak, programa ne’ebé Hungaria iha ne’e la sees husi Programa Australia nian ne’ebé hanaran Seasonal Worker Program ne’ebé sei estabelese mós sistema tuir no durasaun entre fulan 6 to’o 9.
“Programa ne’e ema bolu RSE ne’e programa ne’ebé hanesan ho durasaun tempu fulan 6 ba to’o fulan 9 depois de kontinuasaun ida ne’e mak bele tama ba ona iha ho viza sira ne’ebé tinan 2 ba tinan 4, ne’e atu hateten katak pilotu ida ne’e mós Hungaria sai hanesan ne’e prepara ita fofoun ita bele ba ho fulan 6 ka fulan 9 depois ita prepara kondisaun ne’ebé di’ak parte sira-nia governu haree katak programa ne’ebé ita Timor-Leste apoiu ba sira-nia nasaun di’ak, sira mós bele hasa’e fila fali ho ninia kuantidade.” Nia informa
Enkuantu area ne’ebé atu avansa uluk mak area agrikultura no hortikultura mak sei avansa primeiru ba iha Mobilidae Laborál ba Hungaria ne’e.
Nune’e liuhusi enkontru refere loke ona espasu ida ba Timor-Leste liuhusi Sekretáriu Estadu ba Formasau Profisionál no Empregu ba direta ho embaixadór Timor-Leste iha Indonésia.
“Liuhusi Sekretáriu Estadu ba Formasaun Profisionál no Empregu halo komunikasaun direta ho embaixadór Timor-Leste ba Jakarta aumesmu tempu halo mós komunikasaun ho embaixadór ne’ebé ita-boot sira haree hela, ida ne’e parte diplomata husi MNEK, rua ne’e mak sei halo koordenasaun di’ak liután oinsa ita bele avansa fila fali faze ne’ebé asina MOU nian.” Nia afirma
Iha fatin hanesan Embaixadora Hungaria iha Timor-Leste Lilla Karxay hatutan, haksolok hasoru malu ho Sekretáriu Estadu ba Formasaun Profisionál no Empregu, tanba Timor-Leste ho Hungaria seidauk iha relasaun Diplomátika ba tempu kleur, tanba lihusi vizita ne’e atu explora Potensialidade ba servisu hamutuk entre nasaun ruan.
“Iha vizita ida ne’e liuliu mai iha SEFOPE atu explora potensialidade ba servisu hamutuk iha área formasaun profisionál no empregu ninian iha mobilidad laboral ninian atu haree mós potensialidade ba Timor-oan sira ne’ebé iha abilidade naton nomos abilidade di’ak atu bele ba servisu iha rai Hungaria, liuliu área sira hospitalidade agrikultura no iha potensialidade ba iha area automotivu ninian.” Dehan Embaixadora Hungaria Lilla
Nia dehan inisiativa ne’e kapas tebes no importante liu oinsá atu estabelese kooperasaun entre estadu rua, nune’e hodi sai prioridade ba inisiativa sira seluk.
“Inisiativa ida ne’e di’ak tebes maibé importante liu mak ita estabelese kooperasaun entre estadu rua, governu rua ida ne’e prioridae ida primeiru ne’e sai baze ba inisiativa sira seluk, liuliu embaixadora aprende katak relasaun entre Sefope ho ita-nia Ministru Negosiu Estranjeiru di’ak tebes, ida ne’e sei fó tulun tebes bainhira to’o sorti mai haruka traballadór Timor-oan sira.” Nia dehan
Embaixadora ne’e salienta katak nia mós aprende katak iha Timor-oan lubuk ida ne’ebé sai ona sidadaun portugues ne’ebé ba ona iha rai portugal no servisu iha rai seluk-seluk iha kontinente Europeia nian , ida ne’e bele sai nu’udar vantazen di’ak ida ba Timor-oan hotu.
Reportajen : Estefania
Foto : Estefania