Dili, 29 Juñu 2026 (Media Democracia)- Tribunál Judisiál Primeira instánsia Dili (TJPID), iha segunda ne’e (29/06/2026), submete julgamentu primeiru interogatóriu ba sidadaun Indonézia na’in 61 ba kazu Scham Call Centre iha Tibar.
Iha sala audiénsia julgamentu, Ministeriu Públiku, liuhusi Prokuradór Matias Soares, promove akuzasaun ba krime haat hasoru arguidu na’in-61 ne’ebé suspeitu envolve iha atividade scam call center iha Tibar. Arguidu sira ne’e hetan detensaun liuhusi operasaun buska no apreensaun ne’ebé autoridade seguransa hala’o iha sexta-feira foin lalais (26/06).
Ministeriu Públiku promove akuzasaun hasoru arguidu sira ba krime asosiasaun kriminozu, tuir Artigu 188; krime esplorasaun ilisitu ba jogu, tuir Artigu 322; krime brankamentu kapitál, tuir Artigu 313; no krime fraude fiskál, tuir Artigu 314 husi Kódigu Penál Timor-Leste.
Arguidu na’in 61 ne’e ho naran inisiál hanesan; DRW, AV, HAA, GA, AW, MR, NU, SF, DAM, LH, RKL, AR, UHSD, WP, GS, AS, E, MIT, SDL, RH.
MI, SEBA, ARP, VR FS, MS, MS, IM, AS, W, SR, MSFS, MAD, A, BF, MRS, ABS, R, JR, LTM.
FR MR, R, AS, ACY, JRD, MRP, G, MRS, UR, SS, AM, KLT, S, R, RJ, K, AS,H no D.
Tribunál liuhusi Juiza Turnu, Ercilia de Jesus, dadaun ne’e foin halo identifiksaun ba arguidu nain rua RW no AV.
Ba kazu ne’e, Ministériu Públiku rejista ho NUK :227/26.PNSIK ho tipu krime kazu ositu droga.
Entretantu kazu ne’e akontese iha loron Sesta (26/06), haleu tuku 8:00 dader, iha momentu ne’ebá Polísia Nasionál Timor-Leste (PNTL), liuhusi Diresaun Servisu Investigasaun Kriminál (DSIK), deteta atividade ida ne’ebé deskonfia iha área Tibar, Postu Administrativu Bazartete, Munisípiu Liquiçá, fatin ne’ebá sidadaun estranjeiru balun uza hodi hala’o atividade scam call center, bosok ema.
Tanba ne’e polísia halo kedan apreensaun no buska, konsege detein suspeitu na’in -61 no prende objetu krime hanesan laptop, telemovél no Starlink ne’ebé suspeitu sira uza hodi halo atividade ilisitu Scham Call.
Reportajen : Estefania Cardoso
Foto : Estefania Cardoso