Dili, 09 de Maiu 2026 (Media Democracia)- Uniaun Estudantil Munisípiu Manatuto realiza konferénsia imprensa hodi hato’o kondenasun públika hasoru polítika no desizaun iha setór transporte públiku ne’ebé sira konsidera diskriminatóriu no injustu, tanba prejudika diretamente estudante, agrikultór, no komunidade kbiit laek sira-nia direitu ba transporte ne’ebé justu no asesivel.
Iha Konferensia ne’e portavos Estidantil Laklubar Jeronimo Soares Hateten katak Limitasaun operasaun transporte husi laklubar Mai Dili enkuantu fo autorizasaun ba Diresaun seluk ne’e hanesan deskriminasaun.
“DNTT Manatutu limita operasaun transportehusi diresaun Laclubar mai Dili, no kontinua fo autorizasaun ba diresaun seluk hanesan Natarbora, Soibada ho Laclo, ne’e la’os ida ne’e la’os desizaun administrativu ne’ebe sala, maibe injustisa ne’ebe klaru no sistematika hosi Diresaun nasional transporte terestres (DNTT ) ho Diresaun Munisipal transporte no comunicacoes (DMTC). Dehan portevos EUL iha Jaardin 5 de Maio
Alem ida ne’e portavos UEMM haktuir tan katak fulan tolu liu ba sira obriga operadór tranporte laclubar atu para halo operasaun.
“Durante fulan tolu ba kotuk, politika ne’e obriga operador trasporte Laclubar atu para operasaun, hamosu konsikuensia direita ba komunidade no estudante sira, iha tempu hanesan, autoridade sira hili atu taka matan ba sofrementu povu nian” Dehan portavos Estudantil Laklubar Jeronimo Soares iha Jardim 5 de Maio (08/05/2026).
Iha Sorin seluk Estudante Somão Gonzaga hatutan katak sira rekolla dadus husi kondutor sira husi 2015 rejistu iha DNTT hodi tau diresaun Laclubar mai Dili no Dili ba Laclubar maibe ikus iha mudansa.
“Antes ne’e Ami rekolha dadus husi motorista Sira no bus ho grand max no kondutor sira dehan katak desde 2015 Sira registu ba iha DNTT ne’e sira hakarak atu registu ne’e husi diresaun laklubar ba Dili no bele husi diresaun Dili mai Laclubar maibe DNTT sira hatete katak lolos ne’e tau de’it Manatutu-Dili mos bele kobre to postu laklubar maibe ikus Mai iha mudansa fali” Dehan estudante Simão
Nia mos haktuir katak DNTT la esplika klaru tan ne’e ikus mosu problema, povu Laclubar no liuliu vendedor sira sai vitima iha periodu ida ne’e nia laran.
“Sira la esplika klaru asuntu ne’e ikus mai problema mosu no agora daudaun povu Laclubar no vendedor sira sai vitima iha period ida ne’e, tanba sira nia produtu barak mak estragus no estudante barak mak hela iha Dili mos sai vitima, sira ne’ebé transporte privadu iha sei ba laclubar di’ak maibe ami ida transporte laiha ne’e susar atu ba Laclubar.” Hatutan Estudante Simaun
Iha deklarasaun, Uniaun Estudantil afirma katak desizaun refere kria dezigualdade no prejudika diretamente estudante, agrikultór, no komunidade kbiit laek sira ne’ebé depende ba transporte públiku ho folin baratu hodi ba eskola, merkadu, no servisu esensiál seluk.
Sira ezije ba autoridade kompetente iha Munisípiu Manatuto atu revee no kansela imediatamente polítika ne’e, no loke diálogu abertu ho parte hotu hodi garante desizaun ne’ebé justu, transparente, no la halo diskriminasaun ba sidadaun ida.
Reportajen :Novita Soares/Baquita Marcal
Foto :Novita Soares